Джон Мак-Афі

Джон Мак-Афі (англ.: John McAfee; 18 верасня 1945 — 23 чэрвеня 2021) — брытанска-амерыканскі праграміст і бізнесмен.

Джон Мак-Афі
англ.: John L. McAfee
Род дзейнасці	праграміст, інжынер, бізнесмен, спецыяліст у галіне інфарматыкі, палітык
Дата нараджэння	18 верасня 1945(1945-09-18)[…]
Месца нараджэння	Cinderford[d], Forest of Dean[d], Глостэршыр, Глостэршыр, Англія, Вялікабрытанія
Дата смерці	23 чэрвеня 2021(2021-06-23) (75 гадоў)
Месца смерці	Centre Penitenciari Brians 2[d], Sant Esteve Sesrovires[d], Іспанія
Грамадзянства	ЗША  Вялікабрытанія
Месца працы	Goddard Institute for Space Studies[d] UNIVAC[d] Xerox Computer Sciences Corporation[d] Lockheed[d] Booz Allen Hamilton[d] McAfee, LLC[d]
Альма-матар	Каледж Раанока[d] (1967)
Партыя	Лібертарыянская партыя ЗША
Медыяфайлы на Вікісховішчы

Біяграфічныя звесткі

Заснаваў кампанію, якая распрацавала адну з першых антывірусных праграм у 1987 годзе. Кампанія стала адной з найбуйнейшых у свеце вытворцаў антывіруснага праграмнага забеспячэння.

Займаўся крыптавалютамі. Двойчы спрабаваў вылучыцца кандыдатам на пасаду прэзідэнта ЗША ад Лібертарыянскай партыі (у 2016 і 2020 гадах).

У ЗША Джона Мак-Афі абвінавацілі ў тым, што з 2014 да 2018 года ён не падаваў падаткавыя дэкларацыі і пазбягаў выплаты падаткаў, называючы іншых людзей уладальнікамі яго актываў. Затым яго абвінавацілі ў махлярстве на крыптавалютах. Па звестках пракуратуры, Мак-Афі падманлівым шляхам прасоўваў крыптавалюты праз свой акаўнт і разам з партнёрамі зарабіў на гэтым больш за два мільёны долараў.

Джона Мак-Афі затрымалі ў кастрычніку 2020 года ў Барселоне па запыце міністэрства юстыцыі ЗША. Па версіі пракуратуры, Мак-Афі не заплаціў падатак у памеры 23 мільёнаў долараў за некалькі гадоў. У ЗША бізнесмену за гэта пагражала да 30 гадоў арышту, а за махлярства на крыптавалютах пажыццёвы тэрмін. Сам ён сцвярджаў, што супраць яго існуе змова, а амерыканскія ўлады здзяйсняюць пераслед па палітычных матывах. Джона Мак-Афі знайшлі мёртвым праз некалькі гадзін пасля таго, як іспанскі суд вырашыў выдаць яго ЗША.