Джордж Доу
Джордж До́у (англ.: George Dawe; 8 лютага 1781, Лондан — 15 кастрычніка 1829, Кентыш-Таўн) — англійскі жывапісец.
| Джордж Доу | |
|---|---|
| англ.: George Dawe | |
 | |
| Дата нараджэння | 8 лютага 1781[1][2][…] ці 6 лютага 1781[3] |
| Месца нараджэння | |
| Дата смерці | 15 кастрычніка 1829[1][2][…] (48 гадоў) |
| Месца смерці | |
| Месца пахавання | |
| Грамадзянства | |
| Бацька | Philip Dawe[d][5] |
| Род дзейнасці | мастак, мастак-гравёр, партрэтыст |
| Месца працы | |
| Жанр | партрэт |
| Член у | |
 Медыяфайлы на Вікісховішчы | |
.svg){kind=small}
.svg){kind=small}
У 1819-1829 гадах працаваў у Пецярбургу, дзе напісаў (з дапамогай рускіх жывапісцаў) 329 партрэтаў генералаў — удзельнікаў Айчыннай вайны 1812 года і паходаў 1813-1814 гадоў, у т.л. М.І.Кутузава і М.Б.Барклая дэ Толі, выконваў таксама прыватныя заказы. Партрэтам Доу ўласцівы рамантычная прыўзнятасць, жывасць характарыстык, віртуознасць жывапісу.
Біяграфія
правіцьДжордж Доу нарадзіўся 8 лютага 1781 года ў парафіі Сент-Джэймс, яго бацькі — Філіп і Джэйн Доу. Філіп Доу быў мастаком і гравёрам у меца-цінта, працаваў разам з Хогартам і Цёрнерам, таксама пісаў палітычныя карыкатуры пра жыццё ў Амерыцы. Джордж быў старэйшым дзіцем у сям'і.
Доу быў ахрышчаны 25 лютага 1781 года ў царкве Сент-Джэймс на Пікадзілі. Пазней ён стаў адным з самых паспяховых мастакоў свайго пакалення, набыўшы шырокую вядомасць.
Першапачаткова Джордж трэніраваўся з бацькам, як гравёр, але пазней ён зацікавіўся жывапісам і адправіўся на вучобу ў Каралеўскую Акадэмію мастацтваў. У 1809 годзе Доу стаў членам Акадэміі мастацтваў, а ў 1814 годзе - акадэмікам.
Ён карыстаўся заступніцтвам герцага і герцагіні Кентскіх. У 1819 годзе адправіўся разам з герцагам Кентскім у падарожжа па Еўропе, падчас якога прыцягнуў увагу Аляксандра I. Імператар замовіў мастаку партрэты рускіх генералаў, якія ўдзельнічалі ў вайне з Напалеонам I.
У 1826 годзе Мікалай I запрасіў Доу на сваю каранацыю, а ў 1828 годзе Джордж быў афіцыйна прызначаны Першым мастаком Імператарскага двара.
У 1828 годзе ён вярнуўся ў Англію, дзе заставаўся на працягу некалькіх месяцаў. У 1829 годзе Доу вярнуўся ў Санкт-Пецярбург, але неўзабаве ў яго ўзмацняюцца праблемы з дыханнем. У Джорджа была лёгачна недастатковасць на працягу ўсяго жыцця з-за перанесенай у дзяцінстве хваробы. У жніўні 1829 года Доу вярнуўся ў Лондан, і 15 кастрычніка ён памёр.
Джордж Доу быў пахаваны ў крыпце сабора святога Паўла. На пахаванні прысутнічала мноства мастакоў і прадстаўнікоў расійскага пасольства.
Зноскі
- ↑ а б RKDartists Праверана 23 жніўня 2017.
- ↑ а б George Dawe // Benezit Dictionary of Artists — OUP, 2018. — ISBN 978-0-19-977378-7 — doi:10.1093/BENZ/9780199773787.ARTICLE.B00047559
- ↑ The Fine Art Archive — 2003. Праверана 1 красавіка 2021.
- ↑ Доу Джордж // Большая советская энциклопедия: [в 30 т.] / под ред. А. М. Прохорова — 3-е изд. — М.: Советская энциклопедия, 1969. Праверана 28 верасня 2015.
- ↑ Oxford Dictionary of National Biography / C. Matthew — Oxford: OUP, 2004.
- ↑ https://www.royalcollection.org.uk/collection/400570/alexander-i-emperor-of-russia-1777-1825
Літаратура
правіць- Беларуская энцыклапедыя:У 18 т.Т.6: Дадаізм — Застава / Рэдкал.: Г.П.Пашкоў і інш. — Мн.: БелЭн, 1998. — 576 с.: іл.
Спасылкі
правіць- Мастак Джордж Доу Архівавана 15 ліпеня 2006. (руск.)