Вікіпедыя

Дэвід О’Саліван

ірландскі дыпламат

Дэвід О’Саліван (англ.: David O’Sullivan) (1 сакавіка 1953, Дублін, Ірландыя) — ірландскі дыпламат і еўрапейскі дзяржаўны служачы, генеральны сакратар Еўрапейскай камісіі ў 2000—2005 гадах, пасол Еўрасаюза ў ЗША (2014—2019 гадах). Генеральны дырэктар Інстытута міжнародных і еўрапейскіх спраў (IIEA)[1]. Спецпрадстаўнік па выкананні санкцый ЕС у сувязі з узброенай агрэсіяй РФ супраць Украіны.

Дэвід О’Саліван
англ.: David O’Sullivan
пасол Еўрапейскага саюза ў ЗША[d]
1 лістапада 2014 — 4 сакавіка 2019
Папярэднік Жуан Валі ды Алмейда[d]
Пераемнік Стаўрас Ламбрынідзіс[d]
Генеральны сакратар Еўрапейскай камісіі[d]
1 чэрвеня 2000 — 10 лістапада 2005
Пераемнік Catherine Day[d]
Нараджэнне 1 сакавіка 1953(1953-03-01) (71 год)
Адукацыя
Дзейнасць дыпламат
Узнагароды
Лагатып Вікісховішча Медыяфайлы на Вікісховішчы

Біяграфія правіць

Нардзіўся Дэвід О’Саліван у Дубліне (Ірландыя). Яго бацька, генерал-лейтэнант Джэральд (Гэры) О'Саліван, раней быў начальнікам штаба ірландскіх сіл абароны[2]. Некаторы час Дэвід О’Саліван жыў у штаце Каліфорнія (ЗША)[3].

Валодае англійскай, французскай, іспанскай, нямецкай, ірландскай і японскай мовамі[4].

О'Саліван вучыўся ў Каледжы Святой Марыі C.S.Sp. у Ратмайнс і вывучаў эканоміку і сацыялогію ў Трыніці-каледжы Дубліна. У 1976 годзе пайшоў вучыцца ў Каледж Еўропы ў Бругэ (Бельгія), дзе атрымаў дыплом аспіранта ў галіне перадавых еўрапейскіх даследаванняў. Затым ён да 1979 года працаваў у Міністэрстве замежных спраў Ірландыі, калі ўвайшоў у Еўрапейскую камісію. Падчас вучобы ў Трыніці ён быў аўдытарам і залатым медалістам па дэбатах Гістарычнага таварыства каледжа і пераможцам конкурсу дэбатаў «Irish Times».

Працуючы ў Еўрапескай камісіі, Дэвід О’Саліван замаў шэраг розных пасад: супрацоўнік Генеральнага дырэктарата па знешніх сувязях, першы сакратар дэлегацыі Камісіі ў Японіі, член кабінета камісара Сазерленда, які адказваў за сацыяльныя пытанні і адносіны з Еўрапейскім парламентам, кіраўнік аддзела Мэтавай групы па адукацыі, моладзі і навучанні, член кабінета камісара Патрыка Фліна, які адказваў за сацыяльны дыялог і працоўнае права, намеснік кіраўніка кабінета камісара П. Фліна, генеральны дырэктарат па пытаннях занятасці—дырэктар па палітыцы і каардынацыі Еўрапейскага сацыяльнага фонду, Галоўнае ўпраўленне занятасці— дырэктар па кіраванні рэсурсамі, генеральны дырэктар па адукацыі і культуры.

У 1999 годзе ён стаў кіраўніком офіса прэзідэнта Еўракамісіі Рамана Продзі.

З 2000 па 2005 год ён займаў пасаду генеральнага сакратара Еўракамісіі, затым з 2005 па 2010 год узначальваў генеральны дырэктарат па гандлі. У 2010 годзе ён быў прызначаны аперацыйным дырэктарам Еўрапейскай службы знешніх дзеянняў. З 2014 па 2019 год працаваў пасом Еўрасаюза ў ЗША.

Са студзеня 2023 года — спецпрадстаўнік Еўрасаюза па пытаннях санкцый, каардынуе санкцыйную палітыку ЕС у дачыненні да Расійскай Федэрацыі, а таксама адсочвае спробы ўхілення ад санкцый ЕС.

Крыніцы правіць

  1. ↑ David O'Sullivan appointed DG of IIEA (англ.). RTÉ (16 сакавіка 2022). Праверана 29 лістапада 2023.
  2. ↑ Elaine Edwards. The death has taken place of Lieut Gen Gerald (Gerry) O’Sullivan, a former chief of staff of the Defence Forces (англ.). Irish Times (21 чэрвеня 2010). Праверана 29 лістапада 2023.
  3. ↑ Michele Bendall. A Lifetime of European Public Service (англ.). Medium (8 чэрвеня 2017). Праверана 29 лістапада 2023.
  4. ↑ David O’Sullivan, Eurocrat-in-chief (англ.). The Economist (15 ліпеня 1999). Праверана 29 лістапада 2023.

Узята з "https://be.wikipedia.org/w/index.php?title=Дэвід_О’Саліван&oldid=4633738"