Заезны двор (Вялікая Бераставіца)

Заезны двор — будынак у Вялікай Бераставіцы Гродзенскай вобласці, размешчаны па вул. Чырвонаармейскай, 10.

Славутасць
Заезны двор
53°11′30″ пн. ш. 24°01′11″ у. д.
Месцазнаходжанне	Вялікая Бераставіца
Дата пабудовы	XIX стагоддзе
Матэрыял	драўніна

Пабудаваны ў другой палове XIX стагоддзя з дрэва. Цяпер жылы дом.

Архітэктура

Помнік грамадзянскай архітэктуры з рысамі народнага драўлянага дойлідства. П-падобны ў плане аднапавярховы будынак на бутавым фундаменце, накрыты двухсхільным дахам. Сцены ўмацаваны вертыкальнымі сцяжкамі, члянёны прамавугольнымі вокнамі. Галоўны фасад ашаляваны, завершаны высокім трохвугольным шчытом, дэкарыраваным фігурнай шалёўкай. Да тыльнага фасада прымыкае гаспадарчы корпус, які ўтварае замкнёны ўнутраны двор.

Літаратура

• А. М. Кулагін. 220. Заезны двор // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Гродзенская вобласць. — 371 с., іл.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх