Замкавая гара (Мазыр)
Замкавая гара, або Спаская гара, Гара Камунараў — узгорак у цэнтральнай частцы г. Мазыр Гомельскай вобласці Беларусі. Уяўляе сабой мыс карэннага берага ракі Прыпяць, размешчаны паміж двума ярамі. Вышыня Замкавай гары складае 15-20 метраў. Пляцоўка ромбападобнай формы памерамі 12-140 х 100 м[1].
| Замкавая гара | |
|---|---|
 Рэканструкцыя Мазырскага замка | |
| Найвышэйшы пункт | |
| Адносная вышыня | 15-20 м |
| Размяшчэнне | |
| 52°02′51″ пн. ш. 29°16′02″ у. д.HGЯO | |
| Краіна | |
| Вобласць | Гомельская вобласць |
| Раён | Мазырскі раён |
| Населены пункт | Мазыр |
| Горная сістэма | Мазырская града |
Тэрыторыя Замкавай гары абмежавана вуліцай Савецкай з паўночнага ўсходу, плошчай Горкага з паўднёвага ўсходу, вуліцай Камсамольскай з паўднёвага захаду, плошчай Леніна з паўночнага захаду.
Гісторыя правіць
_(4).jpg)
У XII—XIII стагоддзях на гары размяшчаўся дзяцінец Мазыра. Замкавая гара складала ядро горада — знаходзілася каля скрыжавання Кіеўскай і Свідаўскай вуліц, побач размяшчалася гандлёвая плошча, працягам якой былі прычалы на беразе Прыпяці. З паўднёвага ўсходу Замкавую гару абкружала вуліца Замкавая[1].
У XVII ст. на гары была ўзведзена драўляная Спасаўская царква, якая дзейнічала да сярэдзіны XIX ст. Побач з ёй знаходзіліся прыходскі могільнік. У сярэдзіне XIX ст. Спаская гара шчыльна забудоўваецца драўлянымі і каменнымі жылымі і гаспадарчымі будынкамі[1].
Зноскі
- ↑ а б в Мазыр // Археалогія Беларусі: энцыклапедыя. У 2 т. / [склад. Ю. У. Каласоўскі; рэдкалегія: Т. У. Бялова (гал. рэд.) і інш.]. Мінск: Беларуская Энцыклапедыя імя П. Броўкі, 2009. Т. 2: Л—Я — 464 с. — С. 52-53. — ISBN 978-985-11-0549-2.