Зураб Жванія

Зураб Жванія (9 снежня 1963 — 3 лютага 2005) — грузінскі палітык і грамадскі дзеяч. Прэм’ер-міністр Грузіі ў 2003—2005. Загінуў пры нявысветленых абставінах.

Зураб Жванія
ზურაბ ბესარიონის ძე ჟვანია
4-ы Прэм’ер-міністр Грузіі 17 лютага 2004 — 3 лютага 2005
Папярэднік	Пасада адноўлена; ён сам як дзяржаўны міністр
Пераемнік	Зураб Нагаідэлі
5-ы Дзяржаўны міністр Грузіі 27 лістапада 2003 — 17 лютага 2004
Папярэднік	Аўтандзіл Джарбенадзэ
Пераемнік	Пасада скасавана; адноўлены пасада прэм'ер-міністра
2-і Старшыня Парламента Грузіі 25 лістапада 1995 — 1 лістапада 2001
Папярэднік	Эдуард Шэварнадзэ
Пераемнік	Ніно Бурджанадзэ
Нараджэнне	9 снежня 1963(1963-12-09) Тбілісі, Грузінская ССР, СССР
Смерць	3 лютага 2005(2005-02-03) (41 год) Тбілісі, Грузія
Месца пахавання	Дыдубійскі пантэон[d]
Імя пры нараджэнні	груз. ზურაბ ჟვანია
Веравызнанне	іўдаізм
Партыя	1) Партыя «зялёных» (1989-1993) 2) СГГ (1993-2002) 3) Аб'яднаныя дэмакраты (з 2002)
Адукацыя	Тбіліскі дзяржаўны ўніверсітэт
Дзейнасць	палітык
Аўтограф
Узнагароды
Медыяфайлы на Вікісховішчы

Біяграфія

У 1985 годзе атрымаў дыплом біялагічнага факультэта Тбіліскага дзяржаўнага ўніверсітэта, пасля чаго да 1992 года працаваў на кафедры фізіялогіі чалавека і жывёл таго ж факультэта. У 1989 годзе Жванія стварыў у Грузіі рух «зялёных», а затым — Партыю «зялёных», стаўшы яе першым старшынёй. На працягу двух гадоў ён з’яўляўся сустаршынёй Партыі «зялёных» Еўропы.

У 1993 годзе Зураб Жванія заняў пасаду генеральнага сакратара кааліцыйнай партыі, створанай для падтрымкі палітыкі Эдуарда Шэварднадзэ, — Саюза грамадзян Грузіі (СКГ). 25 лістапада 1995, пасля перамогі СКГ на выбарах, ён быў абраны старшынёй парламента Грузіі. Праз чатыры гады быў пераабраны на гэтую пасаду, аднак 1 лістапада 2001 года падаў у адстаўку, матываваўшы сваё рашэнне пратэстам супраць палітыкі Эдуарда Шэварнадзэ.

У чэрвені 2002 года Жванія афіцыйна заявіў аб сваім выхадзе з партыі СКГ, а таксама з аднайменнай парламенцкай фракцыі. 6 чэрвеня 2002 г стварыў і ўзначаліў парламенцкую фракцыю «Дэмакраты». З 17 чэрвеня 2002 года — старшыня палітычнай арганізацыі «Аб’яднаныя дэмакраты».

У парламенцкіх выбарах 2003 прымаў удзел у якасці аднаго з лідараў перадвыбарчага блока «Бурджанадзэ — Дэмакраты». Пасля «рэвалюцыі ружаў», у выніку якой прэзідэнтам Грузіі стаў Міхаіл Саакашвілі, Жванія быў ​​прызначаны дзяржаўным міністрам Грузіі.

17 лютага 2004 г. грузінскі парламент зацвердзіў Жванія на пасадзе прэм’ер-міністра рэспублікі.