Грузінская мова
Грузінская мова (груз. ქართული ენა, картулі эна) — адна з іберыйска-каўказскіх моў (картвельская група). Мова грузін, дзяржаўная мова Грузіі. Пашырана таксама на Паўночным Каўказе, у Азербайджане, Турцыі, Грэцыі і Іране. Мае 2 групы дыялектаў, адрозненні паміж якімі нязначныя: горскія (хеўсурскі, пшаўскі, тумскі і іншыя) і плоскасныя (картлійскі, кахецінскі, імерэцінскі, рачынскі, гурыйскі, аджарскі і іншыя). У развіцці літаратурнай грузінскай мовы вылучаюць аб 2 перыяды — старажытны (5-11 стагоддзе) і новы (з 12 стагоддзя), або 3 — старажытны (5-11 стагоддзе), сярэдні (12-18 стагоддзе) і новы (з 19 стагоддзя). З 1860-х гадоў развіваецца адзіная літаратурная грузінская мова (аснова — картлійскі і кахецінскі дыялекты).
| Грузінская мова | |
|---|---|
 Распаўсюджанне моў картвельскай сям’і | |
| Саманазва | ქართული ენა |
| Краіны | Грузія, Расія, Турцыя |
| Афіцыйны статус |
 Грузія Паўднёвая Асеція(часткова прызнаная дзяржава) |
| Агульная колькасць носьбітаў | звыш 4 млн.[1][2] |
| Класіфікацыя | |
| Катэгорыя | Картвельскія мовы |
| Картвельская сям'я | |
| Пісьменнасць | грузінскае пісьмо |
| Моўныя коды | |
| ДАСТ 7.75–97 | гру 158 |
| ISO 639-1 | ka |
| ISO 639-2 | geo (B); kat (T) |
| ISO 639-3 | kat |
| WALS | geo |
| Ethnologue | kat |
| Linguasphere | 42-CAB |
| LINGUIST List | geor |
| ABS ASCL | 4902 |
| IETF | ka |
| Glottolog | nucl1302 |
 Вікіпедыя на гэтай мове | |
У фанетыцы грузінскай мовы 5 галосных і 28 зычных; у сістэме зычных назіраецца 5 траічных проціпастаўленняў звонкі-глухі-змычна-гартанны; асобна вылучаюцца фарынгальны і ларынгальны. Слабы сілавы націск на пачатковым складзе слова. У марфалогіі — аглюцінацыя з мноствам прэфіксальных формаў. У сінтаксісе — эргатыўная канструкцыя. Грузінская мова мае старажытнае арыгінальнае пісьменства.
Зноскі
- ↑ Georgian (англ.). Ethnologue, 18th ed. (22 кастрычніка 2015). — «Population 3,900,000 in Georgia (1993 UBS). Population total all countries: 4,237,010. Ethnic population: 3,980,000 (1993 UBS).» Праверана 2 чэрвеня 2015.
- ↑ Kenneth Katzner, The Languages of the World, ISBN 9781134532889, 2002, page 118 (англ.)"Georgian .. is spoken by about 4 million there"
Літаратура
правіць- Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).
Спасылкі
правіць
На Вікісховішчы ёсць медыяфайлы па тэме Грузінская мова
