Канцэрт Бетховена

«Канцэрт Бетховена» — дзіцячы мастацкі фільм вытворчасці «Беларусьфільм» (1936 год). Рэжысёр: Уладзімір Георгіевіч Шмітгоф.

Канцэрт Бетховена
Жанр	дзіцячы фільм[d]
Рэжысёр	Уладзімір Георгіевіч Шмітгоф
Сцэнарыст	Барыс Старшэў (Пхор)
У галоўных ролях	Марк Тайманаў, Бора Васільеў, Уладзімір Гардзін
Аператар	У. Гарэлік, А. Рагоўскі, Л. Фунштэйн
Кінакампанія	Белдзяржкіно
Працягласць	67 хвіл., ці 87 хвіл., ці 63 хвіл. 47 сек.
Краіна	БССР
Мова	руская
Год	1936
IMDb	ID 0128959

Сюжэт

Галоўныя героі кінастужкі — два беларускія музычна адораныя хлопчыкі-падлеткі Янка Малевіч і Уладзік Корсак. Бацька Янкі — музычны педагог — вучыць іх граць на скрыпцы і рыхтуе да ўсесаюзнага музычнага конкурсу, які павінен праходзіць у Маскве. Неяк хлопчыкі загуляліся, і Янка пашкодзіў руку — граць на скрыпцы ён больш не мог. Прафесар злуецца і на сына і яго сябра — свайго другога вучня, спыняе заняткі з імі. Але тыя не здаюцца перад няшчасцямі і пачынаюць займацца самі, удваіх, таемна ад дарослых. Уладзік сачыняе творы, а Янка, перамагаючы боль, працягвае граць на скрыпцы. Хлопцы з’язджаюць на конкурс самі. Адбываецца неспадзяванае: адборачная камісія не дапускае Уладзіка да ўдзелу ў конкурсе, лічачы яго дрэнна падрыхтаваным. Але яго сябар Янка, дапушчаны на конкурс, выконвае твор, складзены Уладзікам (кампазітар: Ісак Дунаеўскі), і грае так удала, што становіцца выканаўцам-лаўрэатам, а Уладзік, аўтар выкананага творы, — кампазітарам-лаўрэатам. Так юныя піянеры сваёй зацятасцю і сяброўствам перамаглі хваробы і бацькоўскі недавер.

Спецыяльна для гэтага фільма была напісана папулярная песня «Эх, добра ў краіне савецкай жыць!»

Гл. таксама

• Спіс беларускіх фільмаў

Літаратура

• Игорь Авдеев, Лариса Зайцева Все белорусские фильмы : каталог-справочник. Игровое кино (1926—1970). — Минск: Беларуская навука, 2001. — Т. 1. — 240 с. — ISBN 985-08-0023-2

Спасылкі

• Канцэрт Бетховена Архівавана 5 сакавіка 2016.
• Канцэрт Бетховена