Капліца Трох Свяціцеляў

Капліца Трох Свяціцеляў — капліца ў Львове. З’яўляецца часткай ансамбля Успенскай царквы, размешчанага на рагу вуліц Падвальнай і Рускай. Размешчана ва ўнутраным двары (уваход — праз браму суседняга дома), у куце паміж храмам і званіцай (вежай Карнякта). Прылягае да паўночнага фасаду царквы.

Славутасць
Капліца Трох Свяціцеляў
49°50′32″ пн. ш. 24°02′04″ у. д.
Краіна	Украіна
Месцазнаходжанне	Львоў
Архітэктурны стыль	рэнесансная архітэктура
Заснавальнік	Канстанцін Карнякт
Будаўніцтва	1578—1591 гады
Медыяфайлы на Вікісховішчы

Гісторыя

Капліца была пабудавана архітэктарам Андрэем Падлесным у 1578—1591 гг. на сродкі львоўскага купца Канстанціна Карнякта. Пасля пажару ў 1671 годзе была зноў адбудавана. У 1846—1847 гадах капліцу рэстаўравалі, тады яна была злучаная з царквой праходам. Цяпер уваход у Успенскую царкву з вуліцы закрыты, можна ўвайсці толькі праз капліцу Трох Свяціцеляў.

Апісанне

Шыльда над уваходам у капліцу

Інтэр’ер

Партал

Будынак Капліца — невялікі, прамавугольны ў плане будынак, без калон і слупоў. Завершаны развітым антаблементам з трыма купаламі на цесна пастаўленых васьмівугольных барабанах, увянчаных рэнесанснымі ліхтарыкамі. Фасады сіметрычныя, члянёныя пілястрамі. Па цэнтры фасаднай сцяны размешчана рэнесансны партал, фланкіраваны паўкалонамі з дэкаратыўнымі рэльефамі, выразанымі ў камені. Арачныя вокны узятыя ў рэльефныя абрамленні. Прапорцыі архітэктурных і дэкаратыўных элементаў надаюць капліцы непаўторную вытанчанасць.

Комплекс інтэр'ернай дэкору ўключае скульптурнае афармленне купальных скляпенняў (XVII ст.).

Гл. таксама

• Успенская царква (Львоў)
• Успенская царква (комплекс)
• Вежа Карнякта
• Тры свяціцелі.

Літаратура

• Всеобщая история искусств. Том II. Искусство Средних веков. Книга I. Европа. Авторы: Л. П. Калиниченко и Ф. С. Уманцев; под общей редакцией Ю. Д. Колпинского (Москва, Государственное издательство «Искусство», 1960)
• ВУЛ. РУСЬКА, 07 – КАПЛИЦЯ ТРЬОХ СВЯТИТЕЛІВ
• Сайт ОКО: Капліца трох свяціцеляў.
• Капліца Трох Свяціцеляў, або як Захад з Усходам аб’яднаўся. Гісторыя ў 10 малюнках

Спасылкі

• На Вікісховішчы ёсць медыяфайлы па тэме Капліца Трох Свяціцеляў
• Фотагалерэя Капліцы Трох Свяціцеляў