Касцёл Маці Божай Міласэрнасці (Беразіно)

Касцёл Спаслання Святога Духа — мураваны касцёл у горадзе Беразіно (Мінская вобласць). Знаходзіцца на вуліцы Красіна.

Каталіцкі храм
Касцёл Маці Божай Міласэрнасці
53°50′17″ пн. ш. 28°59′44″ у. д.
Краіна	Беларусь
Горад	Беразіно
Канфесія	Рымска-каталіцкая царква
Епархія	Мінска-Магілёўская архідыяцэзія
Дэканат	Барысаўскі
Дата заснавання	2018
Будаўніцтва	2018—2020 гады
Стан	дзейнічае

Гісторыя

Касцёл Унебаўзяцця Святой Марыі Панны ў Беразіно перад пажарам, 1914 г.

Парафія існуе з 1641 года. Першы касцёл быў збудаваны ў 1644 годзе і ў 1844 годзе рэканструяваны. Касцёл згарэў падчас пажару ў 1914 годзе.

Сучасная парафія адрадзілася ў 1993 годзе дзякуючы кс. Юзафу Пятушку. Ён пачаў праводзіць набажэнствы ў будынку па вул. Піянерскай 25, які быў набыты на ахвяраванні вернікаў. У 1997 годзе была асвячона часовая капліца.

Калі будынак капліцы ўжо не змяшчаў усіх жадаючых прысутнічаць на набажэнствах, парафіяльны кс. Андрэй Фёдараў звярнуўся да мітрапаліта Мінска-Магілёўскага Тадэвуша Кандрусевіча за згодай будаваць новы касцёл у Беразіно, і пасля нарады біскупаў Беларусі была атрымана згода на будаўніцтва новага храма.

Біскупам Юрыем Касабуцкім 5 красавіка 2016 года быў асвечаны крыж на будаўнічай пляцоўцы. Будаўніцтва новага касцёла распачалося ў 2018 годзе. У 2019 годзе быў зроблены падмурак, а ў 2020 годзе сцены і дах. У сакавіку 2020 года была скончана вежа і ўсталяваны крыж.

Пробашчы

• Юзаф Пятушка
• Сяргей Бараўнёў
• Алег Мурзіч
• Андрэй Фёдараў

Спасылкі

• Парафіяльны сайт — парафія Маці Божай Міласэрнасці ў Беразіно
• Беразіно — парафія Маці Божай Міласэрнасці