Касцёл Святога Ігнацыя Лаёлы (Віцебск)

Касцёл Святога Ігнацыя Лаёлы — мураваны каталіцкі храм у горадзе Віцебску. Касцёл названы ў гонар святога Ігнацыя Лаёлы — заснавальніка ордэна айцоў-езуітаў. Знаходзіцца на скрыжаванні вуліцы Генерала Іваноўскага і Баграмяна.

Каталіцкі храм
Касцёл Святога Ігнацыя Лаёлы
55°09′52″ пн. ш. 30°16′01″ у. д.
Краіна	Беларусь
Горад	Віцебск
Епархія	Віцебская дыяцэзія
Дэканат	Віцебскі дэканат
Будаўніцтва	2020
Сайт	jezuity.by

Гісторыя

Парафія існуе з 2008 года, з 2015 года знаходзілася ў арандаваным памяшканні.

У Пальмавую нядзелю, 5 красавіка 2020 года, біскуп Алег Буткевіч наведаў парафію Святога Уладзіслава ў мікрараёне Білева ў Віцебску і асвяціў падмуркі касцёла Святога Ігнацыя Лаёлы.

У ноч перад афіцыйным днём завяршэння будаўнічых работ з 29 на 30 ліпеня 2021 года адбыўся факт крадзяжу на будоўлі касцёла.

9 ліпеня 2022 года біскуп Буткевіч здзейсніць пасвячэнне касцёла.

Архітэктура

Архітэктурныя формы касцёла маюць сучасны стыль, што гарманічна ўпісвацца ў навакольнае асяроддзе мікрараёна-навабуда.

Малітоўная частка плошчай 274 квадратныя метры разлічана на 230 чалавек, адміністратыўны блок прадугледжвае размяшчэнне класаў і залаў для заняткаў. Памеры ўсяго аб’екта — 40,6 на 22,25 метраў.

Пробашчы парафіі

• кс. Андрэй Кулік
• кс. Адам Дынак
• кс. Віктар Місевіч
• а. Віктар Жук

Спасылкі

• Касцёл Святога Ігнацыя Лаёлы (Віцебск) на сайце Catholic.by (бел.)
• Біскуп Алег Буткевіч асвяціў падмуркі новага касцёла ў Віцебску