Кацічы

Кацічы (руск.: Катичи) — сяло ў Навазыбкаўскай гарадской акрузе Бранскай вобласці Расіі.

Сяло Кацічы руск.: Катичи Краіна Расія Суб’ект федэрацыі Бранская вобласць Муніцыпальны раён Навазыбкаўскі раён Каардынаты 52°40′14″ пн. ш. 31°45′31″ у. д. Часавы пояс UTC+03:00 Паштовыя індэксы 243014 Код АКАТП 15240840001 Кацічы на карце Расіі ±

Гісторыя

Да Лютаўскай рэвалюцыі сяло ў складзе Навазыбкаўскага павета Чарнігаўскай губерні. У сакавіку 1917 года створаны Навазыбкаўскі Савет рабочых і салдацкіх дэпутатаў. Тэрыторыя акупавана германскімі войскамі з сакавіка/красавіка 1918 года, а ў снежні 1918 за­нята Чырвонай Арміяй. 1 студзеня 1919 года пастановай І з’езда КП(б) Беларусі разам з часткай Чарнігаўскай губерні Навазыбкаўскі павет уключаўся ў Беларускую ССР, але I Усебеларускі з’езд Саветаў, які прайшоў 2-3 лютага, не ўхваліў гэта рашэнне.

Да мая 1919 года ў складзе Чарнігаўскай губерні Украінскай ССР, пасля чаго ў Гомельскай губерні РСФСР, а пасля ліквідацыі губерні ў 1926 годзе ў складзе Бранскай губерні. З 1929 па 1937 гады ў Заходняй вобласці, затым у складзе Арлоўскай вобласці.

Са жніўня 1941 да верасня 1943 года пад нацысцкай акупацыяй.

У 1944 годзе ўвайшло ў склад Бранскай вобласці. Да 2009 года ў складзе Верашчацкага сельскага паселішча Навазыбкаўскага раёна.

Вядомыя асобы

• Васіль Васілевіч Нешытой (1942—2020) — беларускі спецыяліст у галіне тэарэтычных асноў інфарматыкі, прыкладной і матэматычнай лінгвістыкі.