Чарнігаўская губерня

Чарнігаўская губерня — адміністрацыйная адзінка Расійскай імперыі, якая размяшчалася на левым беразе Дняпра. Адміністрацыйны цэнтр — Чарнігаў.

Чарнігаўская губерня
Герб
Краіна	Расійская імперыя  Расійская рэспубліка  Украінская Народная Рэспубліка  УССР  СССР
Уваходзіць у	Расійская імперыя (1802—1917) Расійская рэспубліка (1917—1917) Украінская Народная Рэспубліка (1917—1919) УССР (1919—1925)
Адміністрацыйны цэнтр	Чарнігаў
Дата ўтварэння	27 лютага (11 сакавіка) 1802
Дата скасавання	31 ліпеня 1925
Насельніцтва	2 297 854 чал. (1897)
Плошча	53 918,2 км²
Чарнігаўская губерня на Вікісховішчы

Гісторыя

Утворана ў 1802 годзе ў выніку падзелу Маларасійскай губерні на Чарнігаўскую і Палтаўскую.

25 сакавіка 1918 года згодна з Трэцяй Устаўной граматай беларуская частка Чарнігаўскай губерні абвяшчалася часткай Беларускай Народнай Рэспублікі. 1 студзеня 1919 года пастановай І з’езда КП(б) Беларусі частка Чарнігаўскай губерні ўключалася ў Беларускую ССР (такімі прызнаваліся Суражскі, Імглінскі, Старадубскі і Навазыбкаўскі паветы), але I Усебеларускі з’езд Саветаў, які прайшоў 2-3 лютага, не ўхваліў гэта рашэнне.

У 1919 годзе чатыры паўночныя паветы (за выключэннем некалькіх паўднёвых валасцей) з пераважна неўкраінскім насельніцтвам адышлі да Гомельскай губерні ў складзе РСФСР, у 1926 годзе былі перададзены Бранскай губерні, а затым уваходзяць у Бранскую вобласць Расіі.

У 1925 годзе Чарнігаўская губерня была ліквідаваная, а яе тэрыторыя ўвайшла ў склад Глухоўскай, Канатопскай, Нежынскай і Чарнігаўскай акруг Украінскай ССР. У 1932 годзе на асноўнай частцы тэрыторыі былой Чарнігаўскай губерні была ўтворана Чарнігаўская вобласць, частка раёнаў з 1939 года ўваходзіць у Сумскую вобласць.

Спасылкі

• На Вікісховішчы ёсць медыяфайлы па тэме Чарнігаўская губерня