Кашалот

Кашалот (Physeter catodon) — марское млекакормячае сямейства кашалотавых падатрада зубатых кітоў.

Кашалот
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Млекакормячыя Падклас:  Звяры Інфраклас:  Плацэнтарныя Надатрад:  Laurasiatheria Атрад:  Кітападобныя Падатрад:  Зубатыя кіты Надсямейства:  Physeteroidea Сямейства:  Кашалотавыя (Physeteridae) Род:  Кашалоты (Physeter) Від:  Кашалот
Міжнародная навуковая назва
Physeter macrocephalus Linnaeus, 1758
Арэал
суша   месцы абітання
Ахоўны статус
Уразлівыя IUCN 3.1 Vulnerable : / 41755
Сістэматыка на Віківідах Выявы на Вікісховішчы ITIS   180488 NCBI   9755 EOL   328547 FW   68698

Даўжыня самцоў да 21 м, маса да 100 т, самак — да 15 м, маса да 30 т. Колер ад бурага да цёмна-карычневага. Галава вялікая (да 1/3 даўжыні цела). На верхнясківічных касцях размешчаны спермацэтавы орган (вагой да 6 т). Ён утрымлівае спермацэт, які выкарыстоўвалі пры вытворчасці касметычных крэмаў, памад, мыла. На вузкай ніжняй сківіцы 36-60 зубоў, на верхняй — 2-6 або адсутнічаюць. Спінны плаўнік у выглядзе нізкага гарба, грудныя — шырокія, закругленыя на канцах, хваставы падзелены глыбокай выразкай.

Кашалоты пашыраны ва ўсіх акіянах; самцы мігрыруюць, самкі трымаюцца статкамі ў межах субтрапічнага пояса.

Кормяцца кашалоты галаваногімі малюскамі, рыбай. За кормам ныраюць на глыбіню да 2 км, могуць знаходзіцца пад вадой да 1,5 гадз. У кішэчніку самцоў часам знаходзілі кавалкі амбры масай да 420 кг. Патомства самкі кашалота даюць раз у 3 гады. Даўжыня нованароджаных да 4,5 м, маса да 1 т. Жывуць кашалоты да 50 гадоў.

3 1985 промысел на кашалотаў забаронены.