Клюкаўскі сельсавет

былая адміністрацыйна-тэрытарыяльная адзінка ў Аршанскім раёне Віцебскай вобласці Беларусі

Клю́каўскі сельсавет — былая адміністрацыйна-тэрытарыяльная адзінка ў складзе Аршанскага раёна Віцебскай вобласці. Адміністрацыйны цэнтр — вёска Клюкаўка.

Клюкаўскі сельсавет
Краіна Беларусь
Уваходзіць у Аршанскі раён
Уключае 13 населеных пунктаў
Адміністрацыйны цэнтр Клюкаўка
Дата ўтварэння 20 жніўня 1924
Дата скасавання 10 кастрычніка 2013
Насельніцтва (2009) 543
Часавы пояс UTC+03:00
Тэлефонны код +375 216

ГісторыяПравіць

17 ліпеня 1924 года ў Аршанскай акрузе быў утвораны Багушэўскі раён, у складзе якога 20 жніўня 1924 года ўтвораны Дзевінскі сельсавет. У верасні 1926 года сельсавет быў перайменаваны ў Клюкаўскі. У сувязі з частковым перафармаваннем Багушэўскі раён ліквідаваны 8 ліпеня 1931 года, сельсавет далучаны да Аршанскага раёна. Згодна з пастановай ЦВК і СНК БССР ад 12 лютага 1935 года Багушэўскі раён адноўлены. З 9 верасня 1946 года да 17 снежня 1956 года сельсавет знаходзіўся ў складзе Арэхаўскага раёна. З 20 студзеня 1960 года, пасля скасавання Багушэўскага раёна, сельсавет увайшоў у склад Аршанскага раёна[1].

8 красавіка 2004 года ў сельсавет былі ўключаны вёскі Чарняўскія, Сармацк, Слабада скасаванага Стайкаўскага сельсавета[2].

10 кастрычніка 2013 года сельсавет ліквідаваны, населеныя пункты Дзевіна, Замасточча, Іванькова, Клюкаўка, Сармацк, Сафіёўка, Сімахі перададзеныя ў склад Высокаўскага сельсавета; Арашкі, Лісоўскія, Рамальдава, Старына — у склад Арэхаўскага сельсавета; Слабада, Чарняўскія — у склад Межаўскага сельсавета[3].

НасельніцтваПравіць

Паводле перапісу 2009 года насельніцтва сельсавета складае 543 чалавекі[4], з іх 94,1 % — беларусы[5].

Зноскі

СпасылкіПравіць