Корнская мова
Ко́рнская мо́ва (корнск.: Kernowek) адносіцца да брыцкай падгаліны кельцкай галіны індаеўрапейскай моўнай сям’і разам з валійскай, брэтонскай і вымерлай кумбрыйскай мовай.
| Корнская мова | |
|---|---|
| Саманазва | Kernowek |
| Краіны | Вялікабрытанія |
| Рэгіёны | Корнуал |
| Арганізацыя, якая рэгулюе | Cornish Language Partnership |
| Агульная колькасць носьбітаў | 3500 |
| Статус | на мяжы знікнення[d][1] |
| Класіфікацыя | |
| Катэгорыя | Мовы Еўразіі |
| Пісьменнасць | лацініца |
| Моўныя коды | |
| ДАСТ 7.75–97 | кор 332 |
| ISO 639-1 | kw |
| ISO 639-2 | cor |
| ISO 639-3 | cor |
| WALS | crn |
| Atlas of the World’s Languages in Danger | 339 |
| Ethnologue | cor |
| Linguasphere | 50-ABB-a |
| ELCat | 4050 |
| IETF | kw |
| Glottolog | corn1251 |
 Вікіпедыя на гэтай мове | |
Гісторыя
правіцьГісторыя корнскай мовы пачынаецца ў 577 годзе, калі ў выніку бітвы пры Дэорхэме паўднёва-заходнія брыты (будучыя корнцы) аказаліся адрэзанымі ад заходніх брытаў (будучых валійцаў). Пасля заваявання Корнуала саксамі ў першай палове X стагоддзя корнцы працягвалі захоўваць сваю мову, і нават у XVI стагоддзі шмат хто з іх не ведаў англійскай.
Адносна таго, ці была корнская мова мёртвай, існуе два меркаванні. Некаторыя даследчыкі сцьвярджаюць, што корнская мова цалкам выйшла з ужытку ў XVIII стагоддзі і адраджалася наноў ужо з мёртвага стану. Іншыя лічаць, што асобныя людзі, якія ведалі корнскую ад продкаў, дажылі аж да моўнага адраджэння XX стагоддзя, і мова, такім чынам, ніколі не памірала, хоць і перажыла перыяд крайняга заняпаду.
У пачатку XX стагоддзя ў корнцах прачнулася цікавасць да ўласнай мовы і культуры, пачалося моўнае адраджэнне. У 2010 г. ЮНЕСКА перакваліфікавала корнскую мову з мёртвай у статус пад крытычнай пагрозай знікнення[2]. У той ці іншай ступені корнскай валодаюць каля 3500 чалавек.
Алфавіт і правапіс
правіцьКорнская мова выкарыстоўвае наступны варыянт лацінскага алфавіта: Aa Bb Cc Dd Ee Ff Gg Hh Ii Jj Kk Ll Mm Nn Oo Pp Rr Ss Tt Uu Vv Ww Yy.
Арфаграфія фаналагічная.
Крыніцы
правіць- ↑ UNESCO Atlas of the World's Languages in Danger Праверана 24 чэрвеня 2018.
- ↑ BBC News. Cornish language no longer extinct, says UN
Спасылкі
правіць
- An Burow Навіны корнскай мовы
- Cornish Language Fellowship
- Agan Tavas Архівавана 2 снежня 2008. Таварыства, якое спрыяе развіццю корнскай мовы
- Blas Kernewek — A Taste of Cornish Пачатковыя ўрокі корнскай мовы ад BBC
- Cornish today
- партнёрства Таварыства корнскай мовы Архівавана 12 студзеня 2017.