Крысціян Берар
Крысціян Берар (фр.: Christian Bérard; 20 жніўня 1902, Парыж, Францыя — 12 лютага 1949, Парыж, Францыя), вядомы таксама як Бебэ (фр.: Bébé) — французскі мастак, ілюстратар і мастак па касцюмах.
Крысціян Берар | |
---|---|
фр.: Christian Bérard | |
Дата нараджэння | 20 жніўня 1902[1][2][…] |
Месца нараджэння | |
Дата смерці | 11 лютага 1949[1][2][…] (46 гадоў) |
Месца смерці | |
Месца пахавання | |
Грамадзянства | |
Бацька | André Bérard[d] |
Род дзейнасці | мастак, ілюстратар, дызайнер касцюмаў, дызайнер, мадэльер, рысавальнік, выканаўчы прадзюсар, сцэнограф |
Вучоба | |
Узнагароды | |
Медыяфайлы на Вікісховішчы |
Крысціян Берар і яго партнёр Барыс Кахно, які пасля Другой сусветнай вайны ўдзельнічаў у стварэнні трупы «Балет Елісейскіх палёў», з’яўляліся адной з найбольш вядомых гомасексуальных пар Францыі ў 30—40-я гады XX стагоддзя.
Біяграфія правіць
Крысціян Берэр нарадзіўся ў 1902 годзе ў Парыжы. Дзіцем навучаўся ў ліцэі Жансон-дэ-Саі, а ў 1920 годзе паступіў у Акадэмію Рансана, дзе на яго мастацкі стыль аказалі ўплыў Эдуар Вюяр і Марыс Дэні.
Першая выстаўка прац Берара прайшла ў 1925 годзе ў «Галерэі П’ер», калі яму было 23 гады. З самага пачатку сваёй кар’еры ён цікавіўся афармленнем дэкарацый для тэатраў і дызайнам касцюмаў, адыграўшы вялікую ролю ў развіцці тэатральнага дызайну ў Францыі ў 1930—1940-я гады. У пачатку 1930-х гадоў Берар супрацоўнічаў з дызайнерам Жан-Мішэлем Франкам, распісваючы для яго шырмы, мэблю і ствараючы эскізы дываноў. Працуючы ў якасці ілюстратара моды, супрацоўнічаў з такімі мадэльерамі, як Эльза Скіяпарэлі, Ніна Рычы і Како Шанэль. Яго модныя ілюстрацыі ўпрыгожвалі вокладкі і старонкі французскага «Vogue» на працягу некалькіх гадоў. Таксама ён выканаў афармленне буціка «Christian Dior», які адкрыўся на авеню Мантэнь у Парыжы ў 1947 годзе.
Удзельнічаў у стварэнні дэкарацый і касцюмаў для фільма Жана Както «Прыгажуня і пачвара» (1946). Берар раптоўна памёр ад сардэчнага прыступу 11 лютага 1949 года на сцэне Тэатра Марыньі падчас рэпетыцыі п’есы «Свавольствы Скапена». Быў пахаваны на парыжскіх могілках Пер-Лашэз.
У 1950 годзе кампазітар Франсіс Пуленк прысвяціў мастаку сваю духоўную кантату «Stabat Mater», а рэжысёр Жан Както — сюррэалістычны фільм «Арфей».
Зноскі
- ↑ а б Christian Bérard
- ↑ а б Christian Bérard // Benezit Dictionary of Artists — OUP, 2017. — ISBN 978-0-19-977378-7 — doi:10.1093/BENZ/9780199773787.ARTICLE.B00016770
- ↑ Czech National Authority Database Праверана 29 студзеня 2023.
- ↑ Museum of Modern Art online collection Праверана 4 снежня 2019.