Купяціцкі Увядзенскі манастыр
Купяціцкі Увядзенскі манастыр — праваслаўны манастыр, які існаваў у 1628—1817 у вёсцы Купяцічы.
| Манастыр | |
| Купяціцкі Увядзенскі манастыр | |
|---|---|
| 52°10′37″ пн. ш. 26°11′41″ у. д.HGЯO | |
| Краіна | Вялікае Княства Літоўскае |
| Вёска | Купяцічы |
| Канфесія | Праваслаўе, пазней уніяцтва |
| Заснавальнік | Апалоніяй Войнай з Валовічаў i Васіль Копец |
| Дата заснавання | 1628 |
| Дата скасавання | 1817 |
 |
|
Гісторыя
правіцьЗаснаваны Апалоніяй Войнай з Валовічаў i Васілём Копцем як праваслаўны манастыр пры старадаўняй царкве Увядзення Багародзіцы ў храм. Яго святыняй быў абраз Маці Божай у выглядзе меднага крыжа-энкалпіёна, знойдзенага 15 лістапада 1182 (дата вылічана мітрапалітам кіеўскім Яўгенам Балхавіцінавым у 1-й палове 19 ст.) у Купяцічах, паводле царкоўнай легенды, пры дзівосных абставінах.
У сярэдзіне 17 ст. абраз перанесены ў Сафійскі сабор у Кіеве. Першыя манахі прыйшлі ў Купяціцкі манастыр у 1629 з Віленскага Свята-Духава манастыра. У 1740-я манастыр стаў уніяцкім. Пасля 1743 далучаны да Пінскага Богаяўленскага манастыра. У 1817 зачынены. Драўляныя будынкі не зберагліся.
Вядомыя жыхары
правіць- у 1630-я ў манастыры жыў вядомы рэлігійны дзеяч і пісьменнік Афанасій Філіповіч, які ў сваіх творах усхваляў купяціцкі абраз як галоўную праваслаўную святыню Рэчы Паспалітай.
- у 1650-я ігуменам манастыра быў беларускі і ўкраінскі праваслаўны дзеяч Макарый Канеўскі
Літаратура
правіць- Рэлігія і царква на Беларусі: Энцыкл. давед. / Рэдкал.: Г. П. Пашкоўі інш.; Маст. А. А. Глекаў. — Мн.; БелЭн, 2001. — С. 173—174. — 368 с.