Кінтэкс
«Кінтэкс» — балгарскае дзяржаўнае прадпрыемства, заснаванае ў 1966 годзе для збыту айчыннай зброі за мяжу.
| Кінтэкс | |
|---|---|
| балг.: Кинтекс | |
| Тып | акцыянернае таварыства |
| Заснаванне | 1966 |
| Заснавальнікі | Урад Балгарыі |
| Размяшчэнне | Сафія |
| Ключавыя постаці | Іван Ангелаў-Даскоў |
| Галіна | сфера паслуг |
| Паслугі | продаж і рамонт зброі |
| Абарот | ▲ 86,489 млн львоў (2015 год; $48,049 млн)[1] |
| Аперацыйны прыбытак | ▲8,842 млн львоў (2015 год; $4,912 млн) |
| Чысты прыбытак | ▼0,599 млн львоў (2015 год; $0,332 млн) |
| Аўдытар | Алі Вейсел |
| Матчына кампанія | Міністэрства эканомікі Балгарыі |
| Сайт | kintex.bg |
На 2020 год прадпрыемства пастаўляла абаронным ведамствам краін Азіі, Афрыкі і Лацінскай Амерыкі: агнястрэльную зброю і боепрыпасы да яе, а таксама запчасткі да танкаў і бронетранспарцёраў, верталётаў і самалётаў. Спадарожна «Кінтэкс» прадаваў трэнажоры да зброі, прылады сачэння, радыёлакацыі і сувязі[2].
ВырабыПравіць
На 2020 год «Кінтэкс» пастаўляў за мяжу 9 відаў агнястрэльнай зброі:
- 4 узоры пісталетаў і 2 узоры рэвальвераў «Аркус» з патронам 9х19 мм[3];
- пісталет-кулямёт «Арсенал Шыпка»[4];
- 26 узораў аўтаматаў «Арсенал»[5];
- 2 узоры ручных кулямётаў «Арсенал» з патронам 5,56х45 і 7,62х39 мм[6];
- 8 узораў кулямётаў «Арсенал» з патронам 7,62х54 мм[7];
- 13 узораў ручных гранатамётаў «Аркус», «Арсенал» і «Касцёр» калібрам 40 мм, з іх 9 падрульных, у тым ліку для расійскіх аўтаматаў Калашнікава (АК-47, АК-74, АК-101, АК-103, АКМ і АКМС) і амерыканскіх — М16;
- 2 узоры супрацьтанкавых гранатамётаў «Арсенал» калібрам 40 (ручны) і 73 мм[8];
- 6 узораў мінамётаў «Арсенал» калібрам 60, 81, 82 і 120 мм[9];
- 2 узоры зенітных гармат калібрам 23 мм для сухапутнага войска і флоту[10].
Таксама прадавалі 15 відаў боепрыпасаў:
- 8 узораў патронаў калібрам 5,45х39,5, 5,56х45, 5,6х15, 7,62х39, 7,62х51, 7,62х54, 9х18 і 9х19 мм для ручной стралковай зброі[11];
- 7 узораў патронаў калібрам 23х115, 23х152 і 30х165 мм да станкавых кулямётаў самалётаў і танкаў[12];
- 32 узоры гранатаў калібрам 30 і 40 мм для гранатамётаў, у тым ліку для падрульных[13];
- 16 узораў супрацьтанкавых гранатаў калібрам 40, 57 і 85 мм для ручных супрацьтанкавых гранатамётаў РПГ-7В і АТГЛ[14];
- 4 узоры аднаразовых перанасных гранатамётаў калібрам 73 мм, у тым ліку РПГ-22[15];
- 8 узораў гранатаў для станкавага процітанкавага гранатамёта СПГ-9 «Дзіда»[16];
- 4 узоры гранатамётных гранатаў для гармат 2А28 «Гром» на баявых машынах пяхоты[17];
- 2 узоры супрацьтанкавых кіраваных ракетаў калібрам 93 і 125 мм пад назвамі «Метыс» і «Малютка»[18];
- 15 узораў артылерыйскіх снарадаў калібрам 57, 100, 122, 125, 130 і 152 мм, у тым ліку для танкаў, РСЗА «Град» і зенітных гармат С-60[19];
- 18 узораў артылерыйскіх мін калібрам 60, 81, 82, 120 і 160 мм[20];
- 17 узораў баявых ручных гранатаў[21];
- 12 узораў авіябомбаў, у тым ліку бетонапрабівальныя БетАБ-500[22];
- 3 узоры імітатараў паветраных цэляў;
- 9 узораў паветраных некіраваных ракетаў калібрам 57 і 80 мм[23].
Урэшце «Кінтэкс» прадаваў:
- запалы для ручных і гранатамётных гранатаў, мін, снарадаў, ракетаў і бомбаў, а таксама запальнікі для патронаў і сігнальную піратэхніку[24];
- 3 узоры дымавых і шумавых шашак;
- прылады сувязі — 3 узоры палявых тэлефонаў ТА-57, ТАП-77 і ТАП-2000, радыёстанцыі Р-33М і радыёпрыёмнікі Р-163 і Р-173, 2 узоры наземных перанасных радараў ХП-100М і С-90, 7 узораў прылад радыёглушэння[25];
- прыборы навядзення і сачэння — 4 узоры аптычных і лазарных прыцэлаў, 4 узоры начных прыцэлаў, 5 узораў прыбораў начнога бачання (у тым ліку для верталёта) і 4 узоры цеплавізараў[26];
- 4 узоры сістэмы кіравання агнём «Вулкан» для батальёна палявой артылерыі («Вулкан-Б»), мінамётнай батарэі («Вулкан-М»), батальёна РСЗА («Вулкан-Р») і батальёна самаходных гармат («Вулкан-Ц»)[27];
- 4 узоры бронекамізэлек[28].
ГісторыяПравіць
У 1966 годзе ўрад Балгарыі заснаваў прадпрыемства «Кінтэкс» для продажу мясцовага ўзбраення за мяжу. Пераважнымі пакупнікамі сталі абаронныя ведамствы краін Азіі, Афрыкі і Лацінскай Амерыкі. 30 сакавіка 1992 года прадпрыемства пераўтварылі ў таварыства з абмежаванай адказнасцю.
Зноскі
- ↑ Алі Вейсел. Даклад незалежнага аўдытара і справаздача АТ «Кінтэкс» за 2015 год(балг.), Гандлёвы рэгістар Балгарыі (7 ліпеня 2016). Праверана 27 мая 2020.
- ↑ Пра нас (англ.). АТ «Кінтэкс» (26 сакавіка 2020). Праверана 27 мая 2020.
- ↑ Пісталеты і рэвальверы (англ.). АТ «Кінтэкс» (26 сакавіка 2020). Праверана 27 мая 2020.
- ↑ Пісталет-кулямёт «Арсенал Шыпка», 9х18 і 9х19 мм (англ.). АТ «Кінтэкс» (26 сакавіка 2020). Праверана 27 мая 2020.
- ↑ Аўтаматы (англ.). АТ «Кінтэкс» (26 сакавіка 2020). Праверана 27 мая 2020.
- ↑ Ручныя кулямёты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Кулямёты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Супрацьтанкавыя гранатамёты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Мінамёты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Зенітныя гарматы (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы да малой стралковай зброі (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы да сярэднекаліберных станкавых кулямётаў (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы для гранатамётаў (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы для перанасных гранатамётаў РПГ-7В і АТГЛ (англ.). АТ «Кінтэкс» (26 сакавіка 2020). Праверана 27 мая 2020.
- ↑ Ракетныя гранаты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы для СПГ-9 (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы для гармаы 2А28 (англ.). АТ «Кінтэкс» (26 сакавіка 2020). Праверана 27 мая 2020.
- ↑ Супрацьтанкавыя кіраваныя ракеты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Боепрыпасы для артылерыі (англ.). АТ «Кінтэкс» (26 сакавіка 2020). Праверана 27 мая 2020.
- ↑ Артылерыйскія міны (англ.). АТ «Кінтэкс» (26 сакавіка 2020). Праверана 27 мая 2020.
- ↑ Ручныя гранаты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Авіябомбы (англ.). АТ «Кінтэкс» (26 сакавіка 2020). Праверана 27 мая 2020.
- ↑ Паветраныя некіраваныя ракеты (англ.). АТ «Кінтэкс» (26 сакавіка 2020). Праверана 27 мая 2020.
- ↑ Запалы (англ.). АТ «Кінтэкс» (26 сакавіка 2020). Праверана 27 мая 2020.
- ↑ Прылады электрасувязі (англ.). АТ «Кінтэкс» (26 сакавіка 2020). Праверана 27 мая 2020.
- ↑ Прыборы навядзення і сачэння (англ.). АТ «Кінтэкс» (26 сакавіка 2020). Праверана 27 мая 2020.
- ↑ Аўтаматычная сістэма кіравання агнём артылерыі «Вулкан» (англ.). АТ «Кінтэкс» (26 сакавіка 2020). Праверана 27 мая 2020.
- ↑ Бронекамізэлькі (англ.). АТ «Кінтэкс» (26 сакавіка 2020). Праверана 27 мая 2020.
СпасылкіПравіць
- Навіны (англ.). АТ «Кінтэкс» (26 сакавіка 2019). Праверана 27 мая 2020.