Латвійская нацыянальная акадэмія абароны
Латвійская нацыянальная акадэмія абароны (лат.: Latvijas Nacionālā aizsardzības akadēmija) — латвійская дзяржаўная вышэйшая навучальная ўстанова, якая знаходзіцца ў Рызе.
| Латвійская нацыянальная акадэмія абароны | |
|---|---|
| лат.: Latvijas Nacionālā aizsardzības akadēmija | |
 | |
| Арыгінальная назва | лат.: Latvijas Nacionālā aizsardzības akadēmija |
| Міжнародная назва | англ.: National Defence Academy of Latvia |
| Заснаваны | 1992 |
| Тып | профільная ВНУ |
| Размяшчэнне | Рыга |
| Сайт | naa.mil.lv |
Агульная характарыстыка правіць
Гэта дзяржаўная ваенная прафесійная вышэйшая навучальная і навуковая ўстанова, пераемнік традыцый Латвійскай ваеннай школы (1918-1940). Вучэльня знаходзіцца па адрасе: вул. Эзэрмалас 8, Рыга. Створана 13 лютага 1992 года як акадэмія Міністэрства абароны Латвійскай Рэспублікі. Заснавальнік акадэміі - Кабінет міністраў. Акадэмія - адзіная вышэйшая ваенная навучальная ўстанова ў Латвіі.
Асноўнай задачай акадэміі з'яўляецца падрыхтоўка прафесійна адукаваных камандзіраў і ваенных спецыялістаў для ўзброеных сіл Латвіі, арганізацыя і правядзенне даследаванняў у галіне нацыянальнай абароны і бяспекі. Вучэльня рэалізуе прафесійныя праграмы навучання для бакалаўра ("Ваеннае камандаванне сухапутнымі войскамі", "Ваеннае камандаванне ваенна-марскімі сіламі", "Ваеннае камандаванне ваенна-паветранымі сіламі"), адукацыйную праграму "Камандны афіцэр" другога ўзроўню вышэйшай адукацыі, праграму практыка-арыентаванай магістратуры "Ваеннае камандаванне і бяспека", а таксама забяспечвае курсы павышэння кваліфікацыі.
У пытаннях ваеннай службы акадэмія знаходзіцца пад непасрэдным упраўленнем галоўнакамандуючага Нацыянальнымі ўзброенымі сіламі Латвіі. Нацыянальная акадэмія абароны мае ўласны сцяг, герб, дэвіз і гімн.
Узброеныя сілы Латвіі прадастаўляюць курсантам усіх навучальных праграм і афіцэрскіх курсаў: зарплату ваеннаслужачага, сутачныя і кампенсацыю арэнды жылля, гарантыі як для ваеннаслужачых, пражыванне ў інтэрнаце, магчымасць выкарыстання комплексу спартыўнага клуба Узброеных сіл Латвіі. Па заканчэнні навучання студэнцкі крэдыт анулюецца для выпускнікоў навучальнай праграмы "Камандзір" і для выпускнікоў афіцэрскіх курсаў, калі выпускнік пасля гэтага быў прыняты для атрымання вышэйшай адукацыі ў цывільную ВНУ. Усім выпускнікам акадэміі гарантавана пасада ў падраздзяленнях Узброеных сіл Латвійскай Рэспублікі.
Спасылкі правіць
На Вікісховішчы пакуль няма медыяфайлаў па тэме, але Вы можаце загрузіць іх
