Люцкія букі-экзоты
Люцкія букі-экзоты — батанічны помнік прыроды рэспубліканскага значэння ў в. Люта Брэсцкага раёна Брэсцкай вобласці. Размешчаны ў Люцкім парку на тэрыторыі Люцкай школы-інтэрната, першы бук знаходзіцца за 300 метраў на паўднёвы ўсход ад корпуса школы-інтэрната, за будынкам майстэрняў, другі знаходзіцца ў двары школы-інтэрната за 10 метраў ад будынка[1]. 2 дрэвы буку ляснога пурпуралістага (Fagus silvatica 'purpurea' ) узростам 117 i 122 гады (2016), вышыня 21 i 23 м, дыяметр 0,64 i 0,76 м (1984). Каштоўная дэкаратыўная парода. Ахоўны статус нададзены ў 1972 годзе.
| Люцкія букі-экзоты | |
|---|---|
|
Катэгорыя МСАП — III (Помнік прыроды) |
|
| Размяшчэнне | Беларусь, в. Люта, Брэсцкі раён, Брэсцкая вобласць |
| Дата заснавання | 1972 |
Зноскі
- ↑ Помнікі прыроды рэспубліканскага значэння Брэсцкай вобласці Архівавана 22 лістапада 2017.
Літаратура правіць
- Люцкія букі-экзоты // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.