Лідскі пагранічны атрад

Лідскі пагранічны атрад — тэрытарыяльны орган пагранічнай службы Рэспублікі Беларусь. Ахоўвае ўчастак беларуска-літоўскай граніцы.

Гісторыя

Лідскі пагранічны атрад быў утвораны згодна пастановы прэзідэнта Рэспублікі Беларусь ад 31 ліпеня 1997 года № 419 «Пра меры па ўзмацненні аховы Дзяржаўнай мяжы». Ён размясціўся ў горадзе Ліда на тэрыторыі былога вайсковага гарадка 49 дывізіі ракетных войскаў стратэгічнага прызначэння Расійскай Федэрацыі «Паўночны».

Працягласць граніцы

Канчаткова ўчастак дзяржаўнай граніцы, які знаходзіцца ў зоне адказнасці Лідскага пагранатраду, сфарміраваўся да 27 жніўня 2005 года па выніках працы сумеснай дэмаркацыйнай камісіі Рэспублікі Беларусь і Літоўскай Рэспублікі. Працягласць участка складае — 184.5 км, у тым ліку: сухапутнага — 111.5 км; рачнога — 66 км; азёрнага — 7 км.

Падраздзяленні

Заставы

• Беняконі
• Геранёны
• Доцішкі
• Драбішуны
• Забалаць

Пункты пропуску

• Беняконі-1
• Беняконі-2
• Доцішкі

Пасты

• Суботнікі
• Сурвілішкі

Камандзіры

Першым начальнікам пагранічнага атрада прызначаны палкоўнік Аляксандр Мендаль. Ён з групай афіцэраў кіравання прыступіў да выканання службовых абавязкаў 14 верасня 1997 года.

У розны час Лідскім памежным атрадам кіравалі палкоўнікі:

• Аляксандр Мендаль
• Уладзімір Пыж
• Уладзімір Ляўда
• Мікалай Кукін
• Юрый Брычак
• Аляксей Кузьменка
• Сяргей Жылінскі
• Аляксандр Давідзюк (на 2021 год)

Асаблівыя даты

Днём часці вызначана 25 жніўня. У першую гадавіну ўтварэння, 25 жніўня 1998 года, атрад атрымаў Баявы сцяг.

Інцыдэнты

У ноч з 3 на 4 жніўня 2021 года на ўчастку пагранічнай заставы «Беняконі» быў знойдзены паранены нелегальны мігрант з Ірака, які хутка памёр. Беларускія ўлады абвінавацілі ў збіцці літоўскіх пагранічнікаў.

Спасылкі

• Гісторыя Лідскага пагранічнага атраду, сайт Пагранкамітэта