Лінеатус[1] (Aplocheilus lineatus) — рыба атрада карпазубых.
Даўжыня да 10 см, самцы драбнейшыя за самак. Цела самцоў найчасцей жаўтавата-карычневае з роўнымі радамі бліскучых залаціста-зялёных кропак па баках і чырвонымі кропкамі спераду. Вочы ярка-зялёныя. Анальны і спінны плаўнікі з залацістымі кропкамі і разводамі, акаймаваны чырвонай паласой, грудны і брушны жоўтыя. Самкі афарбаваны меней выразна, каля асновы спіннога плаўніка маюць зялёную пляму.
Водзіцца ў невялікіх застойных вадаёмах Шры-Ланкі і ўсходняга ўзбярэжжа Індыі. У Еўропу завезены ў пачатку ХХ ст., вядомы як акварыумная рыба.
Гадоўля ў акварыумах
Правіць
Гадуюць у вялікіх акварыумах з раслінамі, якія плаваюць на паверхні. Акварыумы закрываюць зверху шклом, бо рыбы добра скачуць.
Зноскі
