Магільнянская бітва
Бітва ля Магільна — бітва, апісаная ў легендарнай частцы беларуска-літоўскіх летапісах, а таксама пад іх уплывам ва ўкраінскім Густынскім летапісе. Паводле беларуска-літоўскіх летапісаў бітва адбылася каля Магільна (цяпер вёскі ва Уздзенскім раёне Мінскай вобласці) паміж войскамі літоўскага князя Рынгольда і князёў Святаслава Кіеўскага, Льва Уладзімірскага і Дзмітрыя Друцкага пры падтрымцы татараў. Большасць гісторыкаў лічыць князя Рынгольда асобай міфічнай, як і бітву пры Магільна[1].
Звесткі пра бітву трапілі ў розныя крыніцы. Хроніка літоўская і жамойцкая датуе бітву 1284 годам, Густынскі летапіс — 1285, «Хроніка Еўрапейскай Сарматыі» Алесандра Гваньіні — 1200, «Ваенная энцыклапедыя» (1911—1914) са спасылкай на «Гісторыю Расіі» Сяргея Салаўёва дае як дату 1235 год, «Малы энцыклапедычны слоўнік Бракгаўза і Эфрона» — 1236 год.
Традыцыйна падзея датуецца канцом 1230-х — пачаткам 1240-х гадоў і пэўна вядома, што тым часам вярхоўную ўладу ў Літве ўжо трымаў Міндоўг[2].
Паводле Хронікі Быхаўца, у бітве перамог Рынгольд[1][3].
На думку Вячаслава Насевіча, бітва магла мець месца падчас сумеснага Галіцка-Валынскага і ардынскага паходу на Літву зімой 1274—1275 гадоў[4].
Заўвагі правіць
- ↑ а б Хроника Быховца Архівавана 23 кастрычніка 2020., 11—12
- ↑ Ringaudas // Encyclopedia Lituanica / Simas Sužiedėlis. — Boston, Massachusetts: Juozas Kapočius, 1970—1978. — Vol. IV. — P. 500—501.
- ↑ Євреїновський літопис.. Архівавана з першакрыніцы 24 лютого 2021. Праверана 27 серпня 2020.
- ↑ Насевіч, В. Л. Беларусы: станаўленне этнасу і нацыянальная ідэя / Вячаслаў Насевіч. — Смаленск: Інбелкульт, 2015. — 526 с. — c. 222
Спасылкі правіць
- Могильно // Энциклопедический словарь Брокгауза и Ефрона: В 86 томах (82 т. и 4 доп.) (руск.). — СПб., 1890—1907.
- Могильно // Военная энциклопедия / под ред. В. Ф. Новицкого [и др.]. — СПб. ; [М.] : Тип. т-ва И. В. Сытина, 1911—1915.