Мазалаўскі сельсавет (Мсціслаўскі раён)
Ма́залаўскі сельсавет — адміністрацыйна-тэрытарыяльная адзінка ў складзе Мсціслаўскага раёна Магілёўскай вобласці. Цэнтр — аграгарадок (да 2010 года вёска) Мазалава.
| Мазалаўскі сельсавет | |
|---|---|
| Краіна |
 Беларусь |
| Уваходзіць у | Мсціслаўскі раён |
| Уключае | 15 населеных пунктаў |
| Адміністрацыйны цэнтр | Мазалава |
| Дата ўтварэння | 20 жніўня 1924 |
| Насельніцтва (2019) | 927 |
| Часавы пояс | UTC+03:00 |
| Код аўтам. нумароў | 6 |
Гісторыя правіць
Утвораны 20 жніўня 1924 года як Клінскі сельсавет у складзе Мсціслаўскага раёна Калінінскай акругі БССР. Цэнтр — вёска Клін. 21 жніўня 1925 года цэнтр сельсавета перанесены ў вёску Мазалава, сельсавет перайменаваны ў Мазалаўскі. З 9 чэрвеня 1927 года ў складзе Аршанскай акругі. Пасля скасавання акруговай сістэмы 26 ліпеня 1930 года ў Мсціслаўскім раёне БССР, з 20 лютага 1938 года — Магілёўскай вобласці. 16 ліпеня 1954 года да сельсавета далучана тэрыторыя скасаванага Татаршчынскага сельсавета[1]. 18 лістапада 1966 года ў склад Капачоўскага сельсавета перададзены 3 населеныя пункты (Глазаўшчына, Гутараўшчына і Клін), у склад Ходасаўскага сельсавета — 6 населеных пунктаў (Бязводзічы, Зялёная Дуброва, Пабеда, Суш, Туроўка і Шэйкі), у склад новаўтворанага Мушынскага сельсавета — вёска Пірагова[2]. 20 лістапада 2013 года ў склад сельсавета з Сялецкага сельсавета перададзены 4 населеныя пункты (вёскі Вялікая Зяціца, Галкавічы, Жыгалава і Лар’янава)[3].
Насельніцтва правіць
Насельніцтва сельсавета паводле перапісу 2009 года (11 населеных пунктаў) — 976 чалавек[4], з іх 89,4 % — беларусы, 7,3 % — рускія, 0,9 % — украінцы, 0,9 % — немцы, 0,8 % — грузіны[5]; паводле перапісу 2019 года (15 населеных пунктаў) — 927 чалавек[6].
Зноскі
- ↑ Указ Президиума Верховного Совета БССР от 16 июля 1954 г. Об объединении сельских советов Могилевской области // Сборник законов Белорусской ССР и указов Президиума Верховного Совета Белорусской ССР: 1938—1955 гг. — Мн.: Изд. Президиума Верхов. Совета БССР, 1956. — 347 с.
- ↑ Рашэнне выканкома Магілёўскага абласнога Савета дэпутатаў працоўных ад 18 лістапада 1966 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1967, № 1 (1159).
- ↑ Решение Могилевского областного Совета депутатов от 20 ноября 2013 г. № 23-1 Об изменении административно-территориального устройства некоторых административно-территориальных единиц Могилевской области
- ↑ Насельніцтва населеных пунктаў Магілёўскай вобласці Беларусі паводле перапісу 2009 года
- ↑ Этнічны склад насельніцтва сельсаветаў Беларусі паводле перапісу 2009 года
- ↑ Насельніцтва населеных пунктаў Магілёўскай вобласці Беларусі паводле перапісу 2019 года
Літаратура правіць
- Административно-территориальное устройство БССР: справочник: в 2 т. / Главное архивное управление при Совете Министров БССР, Институт философии и права Академии наук БССР. — Минск: «Беларусь», 1985―1987.
- Административно-территориальное устройство Республики Беларусь (1981—2010 гг.): справочник. — Минск: БелНИИДАД, 2012. — 172 с.