Мазырская партызанская брыгада імя Аляксандра Неўскага
Мазырская партызанская брыгада імя Аляксандра Неўскага — партызанская брыгада, створаная ў 1943 годзе на базе 2 партызанскіх атрадаў, якія дзейнічалі ў Мазырскім раёне (арганізаваны ў лютым і чэрвені 1943 года). Дзейнічала на акупіраванай тэрыторыі Мазырскага, Петрыкаўскага, Ельскага раёнаў. 8 студзеня 1944 года брыгада (500 партызан, тры атрады) злучылася з Чырвонай Арміяй.
| Мазырская партызанская брыгада імя Аляксандра Неўскага | |
|---|---|
| Гады існавання | 1943—1944 |
| Краіна |
 СССР Беларуская ССР |
| Падпарадкаванне | Беларускі штаб партызанскага руху |
| Уваходзіць у | Палескае партызанскае злучэнне |
| Тып | партызаны |
| Функцыя | змаганне з акупантамі |
| Колькасць | 500 партызан (8.1.1944) |
| Дыслакацыя | Мазырскі, Петрыкаўскі, Ельскі раёны |
| Войны |
Другая сусветная вайна Вялікая Айчынная вайна |
| Удзел у | |
| Камандзіры | |
| Вядомыя камандзіры | Аляксандр Лукіч Жыльскі |
Склад правіць
- 1-ы партызанскі атарад;
- 2-і партызанскі атрад;
- 3-і партызанскі атрад.
Камандаванне правіць
Камандзір правіць
- Аляксанр Лукіч Жыльскі (верасень 1943 — студзень 1944).
Камісары правіць
- Міхаіл Кузьміч Ільінкоўскі (верасень — снежань 1943);
- Мікалай Сяргеевіч Кірушкін (снежань 1943 — студзень 1944).
Начальнік штаба правіць
- Міхаіл Аляксеевіч Забораў (верасень 1943 — студзень 1944).
Гісторыя правіць
Партызаны 30 верасня 1943 года разграмілі нямецкі гарнізон у вёсцы Шчакатава Мазырскага раёна (Нараўлянска-Шчакатоўская аперацыя). 3 кастрычніка 1943 года знішчылі асабовы склад хойніцкага і брагінскага гарнізонаў у час іх перадыслакацыі ў горад Петрыкаў. У ноч на 19 верасня 1943 года на перагоне Ельск — Мытва падарвалі 560 рэек. З часцямі Чырвонай Арміі ў студзені 1944 года ўдзельнічалі ў вызваленні горада Мазыра і вёсак Козенкі, Дразды, Бабры, Скрыгалаў.
Памяць правіць
У 1968 годзе каля вёскі Буда Казіміраўская Мазырскага раёна ў гонар брыгады быў пастаўлены абеліск.
Літаратура правіць
- Беларусь у Вялікай Айчыннай вайне, 1941—1945: Энцыкл. / Рэдкал.:І. П. Шамякін (гал. рэд.) і інш.. — Мн.: БелСЭ, 1990. — 680 с. — 20 000 экз. — ISBN 5-85700-012-2.