Адкрыць галоўнае меню

Майкл Маркс (англ.: Michael Marks, чэрвень 1859, Слонім31 снежня 1907) — брытанскі прадпрымальнік, адзін з сузаснавальнікаў кампаніі Marks & Spencer.

Майкл Маркс
Marks Michael Slonim.jpg
Род дзейнасці: прадпрымальнік, адзін з заснавальнікаў кампаніі Marks & Spencer
Дата нараджэння: 1859[1]
Месца нараджэння: Слонім, Слонімскі павет, Гродзенская губерня, Расійская імперыя
Дата смерці: 31 снежня
Месца смерці: Вялікабрытанія

Нарадзіўся ў Слоніме ў яўрэйскай сям'і. У маладосці эміграваў у Англію.

Пасяліўся ў Лідс, дзе размяшчалася кампанія Brran, вядомая тым, што давала працу яўрэйскім імігрантам. У 1884 годзе пазнаёміўся з Ісакам Дэўгірстам — уладальнікам аднаго са складоў-магазінаў. Падпісаў з ім дамову, згодна з якой гандляваў яго вырабамі па-за межамі Лідса. Гэты бізнес аказаўся настолькі прыбытковым, што неўзабаве Маркс атрымаў фінансавую самастойнасць.

Marks & SpencerПравіць

Праз дзесяць гадоў Маркс вырашыў, што каб развівацца далей ён павінен знайсці сабе партнёра. Маркс зрабіў прапанову Ісаку Дэўгірсту, аднак той адмовіўся, прапанаваўшы кандадатуру Тома Спенсера. Спенсер пагадзіўся і ўклаў першыя £300 у агульны бізнес.

Дзякуючы мінуламу досведу, а таксама магчымасці вызначаць кошты непасрэдна ў вытворцы, прадпрымальнікі маглі развіваць сетку крамаў, адкрываючы новыя ў такіх гарадах як Манчэстэр, Бірмінгем, Ліверпул, Мідлзбра, Шэфілд, Брысталь, Сандэрлэнд, Кардыф.

Склад-крама адчыненая ў Манчэстэры ў 1897 стала галоўнай сядзібай імперыі, дзе сёння працуе 70 000 чалавек, а сама кампанія каштуе 7 мільярдаў фунтаў.

Маркс памёр у 1907 годзе як брытанскі грамадзянін, якім стаў 5 мая 1897.

Зноскі

СпасылкіПравіць