Малыя Швакшты
Малыя Швакшты, Малая Швакшта — возера ў Беларусі, у Пастаўскім раёне Віцебскай вобласці. За 22 км на паўднёвы захад ад горада Паставы, каля вёскі Папоўцы, у басейне ракі Страча (выцякае з возера).
| Малыя Швакшты | |
|---|---|
| Морфаметрыя | |
| Вышыня над узроўнем мора | 175,4[1] м |
| Даўжыня | 2,3 км |
| Шырыня | 1,3 км |
| Плошча | 1,91 км² |
| Даўжыня берагавой лініі | 6,75 км |
| Басейн | |
| Плошча вадазбору | 105 км² |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Малыя Швакшты |
|
|
|
|
 Малыя Швакшты |
|
 |
|
Назва
правіцьНазва балцка-літоўскага паходжання. Звязана з літоўскім švakšnoti «накропваць, імжыць», švakštelėti «лінуць (ваду)», švekštоti «крапіць, акрапляць; пырскаць, апырскваць».
Назва звязаная з павольным рухам вады ў возеры, якое праточнае (уцякае пратока з возера Вялікая Швакшта, выцякае рака Страча).
Гідраграфія
правіцьПлошча 1,91 км². Найбольшая глыбіня 3,2 м. Даўжыня 2,3 км, найбольшая шырыня 1,3 км. Даўжыня берагавой лініі 6,75 км. Аб’ём вады 2,86 млн м³. Плошча вадазбору 105 км².
Схілы катлавіны вышынёй 3—4 м, параслі хмызняком. Берагі нізкія, забалочаныя. Дно выслана сапрапелем, прыбярэжная частка пясчана-галечная. 2 астравы. У летні час вада добра перамешваецца і праграецца. Поўнасцю зарастае (пераважна падводнай расліннасцю).
Упадаюць 3 ручаі. Злучана пратокай з возера Вялікія Швакшты. Маюцца два астравы.
Крыніцы
правіць- ↑ Ліст карты N-35-30. Выданне 1986 года. Стан мясцовасці на 1981 год. (руск.)
Літаратура
правіць- Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.