Малькевічы

вёска ў Вілейскім раёне Мінскай вобласці Беларусі

Мальке́вічы[1] (трансліт.: Maĺkievičy, руск.: Малькевичи) — вёска ў Вілейскім раёне Мінскай вобласці. Уваходзіць у склад Крывасельскага сельсавета. Месціцца на мяжы Вілейскага і Мядзельскага раёнаў, за 30 км ад раённага цэнтра г. Вілейкі і за 105 км ад г. Мінска. На паўночны ўсход ад вёскі, за 2,5 км, ва ўрочышчы Уліцкае — выток ракі Чорная.

Вёска
Малькевічы
Краіна
Вобласць
Раён
Сельсавет
Каардынаты
Ранейшыя назвы
Кішкарэпы
Насельніцтва
  • 4 чал. (2019)
Часавы пояс
Тэлефонны код
+375 1771
Паштовы індэкс
222421
Аўтамабільны код
5
СААТА
6213860053
Малькевічы на карце Беларусі ±
Малькевічы (Беларусь)
Малькевічы
Малькевічы (Мінская вобласць)
Малькевічы

Назва правіць

Назва Кішкарэпа (Кішкарэпы), як раней называліся Малькевічы, балцкага паходжання.

Першая частка — ад літ. kiškis «заяц». Другая — ад бел. рэпа (расліна Brassica rapa), на месцы ранейшага сугучнага літ. ropė «рэпа».

Якраз «заячай рэпай» у літоўцаў у народзе называецца расліна Кольнік коласападобны (Phyteuma spicatum), так сама як «свіной рэпай» у іх называецца расліна дурнічнік, а «сабачай рэпай» — дурнап’ян.

У літоўскім словаўтварэнні дастаткова распаўсюджана ўтвараць двухасноўныя назоўнікі з двух назоўнікаў, адзін з якіх дапаўняў бы другі і стаяў у родным склоне[2] (літ. *kiškiaropė "заячая рэпа" раскладаецца на kiškio ropė "рэпа зайца").

Гісторыя правіць

 
 

1794 год — вёска Кішкарэпішча, у Губскім старастве.

1833 год — засценак Кішкарэпа, у Губскім старастве, дзяржаўны, 1 дым, 11 жыхароў.

1931 год — вёска, пад назвай Кішкарэпы, ці Малькевічы, у Куранецкай вясковай гміне; 11 двароў, 74 жыхары.

З 12 кастрычніка 1940 года да 12 чэрвеня 1958 года — вёска ў складзе Кузьміцкага сельсавета[3].

З 12 чэрвеня 1958 года да 24 ліпеня 1995 года — вёска ў складзе Рэчкаўскага сельсавета.

30 ліпеня 1964 года вёска Кішкарэпы была перайменавана ў вёску Малькевічы[4].

1993 год — вёска у Рэчкаўскім сельсавеце, 10 двароў, 20 жыхароў.

З 24 ліпеня 1995 года да 28 мая 2013 года — вёска ў складзе Куранецкага сельсавета[5].

2003 год 9 двароў, 12 жыхароў.

З 28 мая 2013 года — вёска ў складзе Крывасельскага сельсавета.

Вядомыя асобы правіць

Зноскі

  1. Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (DJVU). Сустракаецца таксама варыянт Кішкарэ́пы
  2. P. Skardžius. Rinktiniai raštai. T. 1. Vilnius, 1996. C. 411.
  3. Рашэнне выканкома Маладзечанскага абласнога Савета дэпутатаў працоўных ад 12 чэрвеня 1958 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1958, № 6.
  4. Указ Прэзідыума Вярхоўнага Савета Беларускай ССР Аб перайменаванні некаторых населеных пунктаў Беларускай ССР ад 30 ліпеня 1964 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1964, № 23 (1063).
  5. Решение Минского областного Совета депутатов от 28 мая 2013 г. № 234 Об изменении административно-территориального устройства районов Минской области Архівавана 31 сакавіка 2016.

Спасылкі правіць