Марына Уладзіміраўна Пятрова

Марына Уладзіміраўна Пятрова (6 лютага 1934, Рыга) — беларуская артыстка балета, педагог. Заслужаная артыстка БССР (1967).

Марына Уладзіміраўна Пятрова
Дата нараджэння	6 лютага 1934(1934-02-06) (90 гадоў)
Месца нараджэння	Рыга, Латвійская Рэспубліка
Грамадзянства	СССР  Беларусь
Адукацыя	Маскоўская дзяржаўная акадэмія харэаграфіі[d] (1952)
Прафесія	балерына
Тэатр	Дзяржаўны акадэмічны Вялікі тэатр оперы і балета БССР Беларуская дзяржаўная харэаграфічная гімназія-каледж
Член у	БСТД
Узнагароды

Біяграфія

У 1952 годзе скончыла Маскоўскае харэаграфічнае вучылішча.

У 1952—1972 гадах — салістка Дзяржаўнага тэатра оперы і балета Беларусі, адначасова ў 1968—1971, 1973—1975 і з 1980 года — выкладчык Беларускага харэаграфічнага каледжа.

Член Беларускага саюза тэатральных дзеячаў з 1959 года.

Творчасць

Выканала галоўныя партыі ў беларускіх балетах: Джулія, Няўзіра («Альпійская балада», «Выбранніца» Я. Глебава), Рузя («Падстаўная нявеста» Г. Вагнера); у спектаклях класічнага і сучаснага рэпертуару: Аўрора, Маша («Спячая прыгажуня», «Шчаўкунок» П. Чайкоўскага), Ліза («Марная засцярога» П. Л. Гертэля), Гамзаці, Вулічная танцоўшчыца («Баядэрка», «Дон Кіхот» Л. Мінкуса), Гюльнара («Карсар» А. Адана), Вакханка («Вальпургіева ноч» Ш. Гуно), Крылянка («Папялушка» С. Пракоф’ева), Анель («Блакітны Дунай» І. Штрауса), Эгіна («Спартак» А. Хачатурана).

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — 576 с. — 10 000 экз. — ISBN 985-11-0035-8. — ISBN 985-11-0216-4 (т. 13).
• А. І. Калядэнка. Пятрова Марына Уладзіміраўна // Тэатральная Беларусь: энцыклапедыя : у 2 т. / рэдкал.: Г. П. Пашкоў [і інш.]. — Мн.: Беларуская Энцыклапедыя, 2003. — Т. 2. — 571 с. — 4 000 экз. — ISBN 985-11-0259-8.