Мастэрс 1982 (снукер)
Мастэрс 1982 (англ.: Masters 1982, таксама вядомы як Benson and Hedges Masters 1982 — па назве спонсара) — прафесійны нярэйтынгавы турнір па снукеры, які праходзіў з 26 па 31 студзеня 1982 года ў «Уэмблі канферэнц-цэнтры», у Лондане. Турнір стаў восьмым розыгрышам Мастэрс, які праводзіцца штогод з 1975 года. Спонсарам турніру ў чарговы раз стала тытунёвая кампанія Benson and Hedges. Прызавы фонд турніру склаў £27,000, з якіх £8,000 атрымаў пераможца.
| Мастэрс 1982 | |
| Сезон | 1981/1982 |
|---|---|
| Тэрміны | 26 — 31 студзеня 1982 |
| Арэна | «Уэмблі канферэнц-цэнтр» |
| Горад | Лондан |
| Краіна | Англія |
| Спонсар | Benson and Hedges |
| Фармат | Нярэйтынгавы турнір |
| Агульны прызавы фонд | £27,000 |
| Прызавыя пераможцы | £8,000 |
| Мінулы чэмпіён | .svg){kind=small} Алекс Хігінс
|
| Фінал | |
| Пераможца |  Стыў Дэвіс
|
| Фіналіст |  Тэры Грыфітс
|
| Лік | 9:5 |
| Статыстыка турніру | |
| Колькасць удзельнікаў | 12 |
| Колькасць матчаў | 11 |
| Колькасць соценных серый | 3 |
| Найвышэйшая серыя | 136 (Тоні Мео) |
| ←1981 ● Мастэрс ● 1983→ | |
У турніры прыняло ўдзел 12 гульцоў, 8 з якіх займалі вышэйшыя пазіцыі у сусветным рэйтынгу. Першыя чатыры нумары пасеву атрымалі топ-3 сусветнага рэйтынгу (сярод якіх быў дзейны чэмпіён свету Стыў Дэвіс, пасеяны другім), а таксама леташні пераможца турніру Алекс Хігінс, пасеяны пад першым нумарам. Яны пачалі турнір адразу з чвэрцьфінальнай стадыі. Астатнія 8 удзельнікаў разыгралі пуцёўкі ў 1/4 у папярэднім раундзе.
Пераможцам турніру упершыню стаў Стыў Дэвіс, які адолеў у фінале валійца Тэры Грыфітса, які выйшаў у трэці фінал Мастэрс запар, з лікам 9:5.