Мацьё Дэбюшы
Мацьё Дэбюшы (фр.: Mathieu Debuchy; нар. 28 ліпеня 1985, Фрэтэн, Францыя) — французскі футбаліст, абаронца. Ігрок нацыянальнай зборнай Францыі (2011—2015).
 Мацьё Дэбюшы | |||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||
| Агульная інфармацыя | |||||||||||||||||||
| Нарадзіўся |
28 ліпеня 1985[1] (39 гадоў) |
||||||||||||||||||
| Грамадзянства |
 Францыя |
||||||||||||||||||
| Рост | 176 см | ||||||||||||||||||
| Вага | 74 кг | ||||||||||||||||||
| Пазіцыя | правы абаронца | ||||||||||||||||||
| Інфармацыя пра клуб | |||||||||||||||||||
| Клуб | завяршыў кар’еру | ||||||||||||||||||
| Маладзёжныя клубы | |||||||||||||||||||
|
|||||||||||||||||||
| Клубная кар’ера[* 1] | |||||||||||||||||||
|
|||||||||||||||||||
| Нацыянальная зборная[* 2] | |||||||||||||||||||
|
|||||||||||||||||||
 Медыяфайлы на Вікісховішчы | |||||||||||||||||||
Клубная кар’ера
правіць«Ліль»
правіцьМацьё з ранняга дзяцінства навучаўся ў юнацкай сістэме «Ліля», дзе правёў амаль 10 гадоў. Пасля чаго быў запрошаны ў асноўную каманду пасля зімовага перапынку ў чэмпіянаце Францыі сезона 2003/04. Ён атрымаў нумар 33. Яго дэбют за асноўную каманду адбыўся 31 студзеня 2004 года ў матчы супраць клуба «Мец», у рамках чэмпіянату Францыі[2].
«Ньюкасл Юнайтэд»
правіць4 студзеня 2013 года Дэбюшы перайшоў у англійскі клуб «Ньюкасл Юнайтэд», падпісаўшы пяці з паловай гадовую дамову да лета 2018 года, за неназваную суму, але як паведамляецца за французскага абаронца англічане выплацілі 5,5 млн фунтаў стэрлінгаў[3][4]. Мацьё дэбютаваў у складзе новага клуба 12 студзеня 2013 года ў матчы супраць «Норвіч Сіці»[5]. Свой першы гол за новы клуб забіў у гасцявым матчы супраць «Сандэрленда» 27 кастрычніка 2013 года, зраўняўшы лік пасля першага тайма, аднак клуб усё ж такі трываў паражэнне з лікам 2:1.
«Арсенал»
правіць17 ліпеня 2014 года Дэбюшы падпісаў доўгатэрміновы кантракт з лонданскім «Арсеналам». Як мяркуецца, гэты трансфер каштаваў «кананірам» каля 12 млн фунтаў стэрлінгаў[6]. У новым клубе Мацьё атрымаў кашулю з нумарам 2.
У складзе «Арсенала» Мацьё не здолеў замацавацца, саступіўшы месца асноўнага правага абаронцы Эктару Бельерыну. 1 лютага 2016 года было абвешчана аб пераходзе Дэбюшы ў «Бардо» на правах арэнды да канца сезона[7]. Улетку 2016 года вярнуўся ў «Арсенал».
«Сент-Эцьен»
правіцьУ студзені 2018 года, разарваўшы кантракт з лонданцамі, стаў іграком «Сент-Эцьена»[8]. Пазней стаў капітанам французскай каманды. Пакінуў «Сент-Эцьен» па заканчэнні сезона 2020/21.
«Валансьен»
правіцьУ жніўні 2021 года далучыўся да клуба «Валансьен» з Лігі 2. Па заканчэнні сезона 2022/23 завяршыў кар’еру.
Міжнародная кар’ера
правіць5 жніўня 2010 года Мацьё быў выкліканы ў асноўную зборную Ларанам Бланам, для ўдзелу ў таварыскім матчы супраць зборнай Нарвегіі 11 жніўня 2010 года[9].
2 кастрычніка 2011 года атрымаў чарговы выклік у зборную, паколькі правы абаронца французаў Бакары Санья напярэдадні матча атрымаў траўму. 7 кастрычніка Мацьё згуляў свой першы матч за Францыю ў гульні супраць зборнай Албаніі на «Стад дэ Франс», у якім французы перамаглі з лікам 3:0[10].
Дасягненні
правіць
Ліль
- Чэмпіён Францыі: 2011
- Уладальнік Кубка Францыі: 2011
- Уладальнік Кубка Інтэртота: 2004
Арсенал:
- Уладальнік Кубка Англіі: 2014
- Уладальнік Суперкубка Англіі (2): 2014, 2015
Крыніцы
правіць- ↑ Mathieu Debuchy // Transfermarkt — 2000. Праверана 9 кастрычніка 2017.
- ↑ Mathieu Debuchy. L’Équipe.
- ↑ Mathieu Debuchy: Newcastle sign France international. BBC Sport
- ↑ Newcastle complete Debuchy signing. Newcastle United F.C.
- ↑ Norwich v Newcastle: Debuchy Starts. Newcastle United F.C.
- ↑ Arsenal complete transfer of Mathieu Debuchy from Newcastle United for £12 million. The Telegraph.
- ↑ «Арсенал» отдал Дебюши в аренду «Бордо». by.tribuna.com.
- ↑ Дебюши перешел в «Сент-Этьен». by.tribuna.com.
- ↑ Блан назвал состав сборной Франции на игру с Норвегией Архівавана 14 верасня 2016.. championat.com
- ↑ Сборная Франции разобралась с албанцами. euro-football.ru
Спасылкі
правіць
На Вікісховішчы ёсць медыяфайлы па тэме Мацьё Дэбюшы
