Мачаточнікі

(Пасля перасылкі з Мачаточнік)

Мачаточнікі — парныя вывадныя пратокі нырак у пазваночных жывёл і чалавека, якія адводзяць мачу ў мачавы пузыр або клааку. Адрозніваюць 3 тыпы мачаточнікаў адпаведна 3 тыпам нырак. Мачаточнікі пранефраса (першаснанырачныя каналы) у паслязародкавым перыядзе функцыянуюць у кругларотых і адкрываюцца ў мочапалавы сінус; мачаточнікі мезанефраса (першасныя, ці вольфавы каналы) — у рыб і земнаводных; метанефраса (другасныя) — у паўзуноў, птушак, млекакормячых.

Мачаточнік

1. Мочавыдзяляльная сістэма чалавека: 2. нырка 3. нырачная лаханка 4. мачаточнік 5. мачавы пузыр 6. мочаспускальны канал.

7. наднырачнік
Сасуды: 8. нырачная артэрыя і вена 9. ніжняя полая вена 10. брушная аорта 11. агульная падуздышная артэрыя і вена

Іншае: 12. печань 13. тоўстая кішка 14. таз
Кровазабеспячэнне верхняя пузырная, похвавая артэрыя, мачаточнікавыя галіны нырачнай артэрыі
Прэкурсор зародак мачаточніка
Каталогі MeSH?

У чалавека мачаточнікі размешчаны ў забрушыннай прасторы і ў малым тазе, маюць форму трубкі са звужэннямі і расшырэннямі; злучаюць нырачную лаханку з мачавым пузыром. Сценка мачаточнікаў мае 3 абалонкі: унутраную (слізістая, высланая пераходным эпітэліем), сярэднюю (забяспечвае рух мачы ў мачавы пузыр пры любым становішчы цела) і вонкавую.

Літаратура правіць

  • Беларуская энцыклапедыя: У 18 т. Т.10: Малайзія — Мугаджары / Рэдкал.: Г. П. Пашкоў і інш. — Мн.: БелЭн, 2000. — Т. 10. — С. 235. — 544 с. — 10 000 экз. — ISBN 985-11-0169-9 (Т. 10).