Мертан Мілер
Мертан Говард Мілер (англ.: Merton H. Miller; 16 мая 1923, Бостан - 3 чэрвеня 2000, Чыкага) — амерыканскі эканаміст, лаўрэат Нобелеўскай прэміі па эканоміцы (1990) «за працы па тэорыі фінансавай эканомікі».
| Мертан Мілер | |
|---|---|
| Merton H. Miller | |
| Дата нараджэння | 16 мая 1923[1][2][…] |
| Месца нараджэння | Бостан |
| Дата смерці | 3 чэрвеня 2000[1][2] (77 гадоў) |
| Месца смерці | Чыкага |
| Грамадзянства | |
| Род дзейнасці | эканаміст, пісьменнік |
| Навуковая сфера | эканоміка |
| Месца працы | |
| Альма-матар |
Універсітэт Джонса Хопкінса Гарвардскі ўніверсітэт |
| Навуковы кіраўнік | Fritz Machlup[d][3] |
| Член у | |
| Узнагароды |
 Нобелеўская прэмія па эканоміцы (1990) |
Біяграфія
правіцьМертан Мілер вучыўся ў Гарвардзе. Ступень доктара атрымаў у універсітэце Джона Хопкінса. Выкладаў у Лонданскай школе эканомікі, універсітэце Карнегі-Мелана, Вышэйшай школе бізнесу Чыкагскага ўніверсітэта.
У 1958 годзе ў Інстытуце тэхналогій імя Карнегі (цяпер Універсітэт Карнегі-Мелана), ён у супрацоўніцтве з калегам Франка Мадыльяні напісаў артыкул «Кошт капіталу, карпаратыўныя фінансы і тэорыя інвеставання» (англ.: The Cost of Capital, Corporate Finance and the Theory of Investment). Гэты артыкул падвяргаў фундаментальнай крытыцы традыцыйны погляд на карпаратыўныя фінансы, згодна з якім карпарацыя можа знізіць цану капіталу знайшоўшы правільныя суадносіны даўгоў да капіталу кампаніі. Згодна з тэарэмай Мілера-Мадыльяні, з аднаго боку, не існуе дакладных суадносін, таму менеджары карпарацый павінны паспрабаваць мінімізаваць падатковыя абавязацельствы і максімізаваць сальда, перашкаджаючы зніжэнню пазыковых каэфіцыентаў ніжэй, чым яны былі.
Мертан Мілер напісаў ці быў суаўтарам васьмі кніг. У 1975 годзе стаў членам Эканаметрычнага таварыства і стаў прэзідэнтам Амерыканскай фінансавай асацыяцыі ў 1976. Ён быў выкладчыкам Вышэйшай школы бізнесу Чыкагскага ўніверсітэта з 1961 да адстаўкі ў 1993, пасля якой працягваў выкладаць у школе яшчэ некалькі гадоў.
У якасці публічнага дырэктара ён працаваў у чыкагскай гандлёвай палаце на працягу 1983-1985 і на чыкагскай таварнай біржы з 1990 года і да смерці 3 чэрвеня 2000.
- ↑ а б Merton H. Miller // Encyclopædia Britannica Праверана 9 кастрычніка 2017.
- ↑ а б Merton Howard Miller // Brockhaus Enzyklopädie
- ↑ Матэматычная генеалогія — 1997.
- ↑ https://www.econometricsociety.org/society/organization-and-governance/fellows/memoriam Праверана 6 красавіка 2023.