Бітва пад Мсціславам (1501)

(Пасля перасылкі з Мсціслаўская бітва (1501))

Бітва пад Мсціславам адбылася 4 лістапада 1501[1] года ў час вайны Маскоўскай дзяржавы з Вялікім Княствам Літоўскім 1500—1503 гадоў.

Мсціслаўская бітва
Асноўны канфлікт: Вайна Маскоўскай дзяржавы з Вялікім Княствам Літоўскім 1500—1503 гадоў
Дата 4 лістапада 1501
Месца Мсціслаў
Вынік перамога маскоўскага войска
Праціўнікі
Herb Lytwa (Alex K).svg Вялікае Княства Літоўскае Coat of arms of Russia (XV Century).svg Вялікае Княства Маскоўскае
Камандуючыя
Аляксандр Растоўскі
Сямён Варанцоў
Міхаіл Заслаўскі
Астафей Дашкевіч
 
Вайна Маскоўскай дзяржавы з Вялікім Княствам Літоўскім (1500—1503)
Ведраш — Серыца — Мсціслаў — Гельмед — Смолінскае — Смаленск  — Мір

ПерадумовыПравіць

У другой палове 1501 года вялікі князь маскоўскі Іван III прадпрыняў наступ на ўсходзе Беларусі, карыстаючыся адсутнасцю ў ВКЛ вялікага князя Аляксандра, які быў выбраны каралём польскім і выехаў у Польшчу.

БітваПравіць

Групоўка маскоўскіх войскаў была сканцэнтравана ў Старадубе, дзе акрамя войскаў мясцовых князёў Сямёна Старадубскага і Васіля Шамячыча, былі сабраны войскі на чале з вялікакняжацкімі ваяводамі князямі Аляксандрам Растоўскім, Сямёнам Варанцовым і інш. Каб паспрыяць маскоўскаму наступленню на Смаленск, яны былі накіраваны на Мсціслаў, куды падышлі 4 лістапада 1501 года. Насустрач ім з горада выйшлі войскі ВКЛ на чале з князём Міхаілам Заслаўскім і ваяводам Астафеем Дашкевічам.

У бітве перамаглі маскоўскія войскі. Паводле маскоўскіх крыніц, было забіта 7 тысяч чалавек з літоўскага войска, што з’яўляецца відавочным перабольшваннем. Рэшткі літоўскага войска, страціўшы ўсе сцягі[2], на чале з князем Заслаўскім замкнуліся ў замку. Праз упартае супраціўленне абаронцаў, узяць Мсціслаў маскоўскія войскі не здолелі і пасля спалення пасадаў і спусташэння ваколіц горада адышлі назад з вялікім палонам.

Зноскі

  1. Дата 1502 года (Ткачоў), відавочна, памылковая. Сустракаецца прывязка бітвы да дня 14 лістапада (Разін).
  2. Волкаў.

ЛітаратураПравіць