Мяцялей

Мяцялей (літ.: Meteliai, традыцыйная беларуская назва — Мяце́лі) — вёска ў Літве, за 9 км на паўночны захад ад Сейрыяя, паміж азёрамі Дуся і Мяцялей. Уваходзіць у склад Сейрыяйскай сянюніі Лаздзіяйскага раёна Алітускага павета. Насельніцтва 195 чал. (2011).

Вёска Мяцялей літ.: Meteliai Касцёл Перамянення Панскага Краіна Літва Павет Алітускі Раён Лаздзіяйскі Сянюнія Сейрыяйская Каардынаты 54°18′11″ пн. ш. 23°44′38″ у. д. Ранейшыя назвы Мяцелі Насельніцтва 195 чал. (2011) Часавы пояс UTC+2, летам UTC+3 Мяцялей на карце Літвы

Медыяфайлы на Вікісховішчы

Гісторыя

Вялікае Княства Літоўскае

Першы пісьмовы ўспамін пра Мяцелі датуецца 1508 годам. У гэты час яны ўваходзілі ў склад Троцкага павета Троцкага ваяводства.

У 1619 годзе Павел Стэфан Сапега пабудаваў у Мяцелях Касцёл Перамянення Панскага.

Пад уладай Расійскай імперыі

У выніку трэцяга падзелу Рэчы Паспалітай у 1795 годзе Мяцелі апынуліся ў складзе Прусіі, у 1807 годзе згодна з Тыльзіцкім мірным дагаворам — у складзе Расійскай імперыі, у Сейненскім павеце Сувалкаўскай губерні.

На 1827 год у Мяцелях было 52 будынкі.

Найноўшы час

Пасля польска-літоўскіх баёў і падпісання пагаднення паміж міжваеннай Польскай Рэспублікай і Літвой у 1919 годзе Мяцелі апынуліся ў складзе Літвы. У часы Другой сусветнай вайны з чэрвеня 1941 да 1944 года мястэчка знаходзілася пад акупацыяй Трэцяга Рэйха.

Насельніцтва

• XIX стагоддзе: 1827 год — 391 чал.
• XXI стагоддзе: 2011 год — 195 чал.

Інфраструктура

У Мяцялеі знаходзіцца кіраўніцтва Мяцялейскага рэгіянальнага парку, кемпінг «Vitrūna».

Славутасці

• Касцёл Перамянення Панскага (1822)

Спасылкі

• На Вікісховішчы ёсць медыяфайлы па тэме Мяцялей