Мікалай Аляксандравіч Крукоўскі

Мікала́й Алякса́ндравіч Крукоўскі (нар. 3 студзеня 1952, в. Буйновічы Лельчыцкага раёна Гомельскай вобласці) — беларускі дзяржаўны дзеяч, былы міністр сувязі Рэспублікі Беларусь (2000-2001).

Мікалай Крукоўскі
Міністр сувязі Рэспублікі Беларусь 12 студзеня 2000 года — 22 лютага 2001 года
Прэзідэнт	Аляксандр Лукашэнка
Кіраўнік урада	Уладзімір Ярмошын
Папярэднік	Уладзімір Ганчарэнка
Пераемнік	Уладзімір Ганчарэнка
Нараджэнне	3 студзеня 1952(1952-01-03) (72 гады) в. Буйновічы, Лельчыцкі раён, Гомельская вобласць
Адукацыя	Маскоўскі інстытут сувязі (1989) Акадэмія кіравання пры Прэзідэнце Рэспублікі Беларусь (2004)

Біяграфія

Скончыў Мінскі электратэхнікум сувязі (1976), Маскоўскі інстытут сувязі (1989), Акадэмію кіравання пры Прэзідэнце Рэспублікі Беларусь (2004).

Пасля заканчэння Мінскага электратэхнікума сувязі працаваў старшым электрамеханікам ў Брагінскім лінейна-тэхнічным цэху Рэчыцкага эксплуатацыйна-тэхнічнага вузла сувязі, займаў пасады намесніка начальніка Брагінскага лінейна-тэхнічнага цэха, начальніка Брагінскага лінейна-тэхнічнага ўчастка Рэчыцкага эксплуатацыйна-тэхнічнага вузла сувязі.

1987-1995 — начальнік Кіраўскага раённага вузла сувязі Магілёўскага абласнога вытворча-тэхнічнага кіравання сувязі.

З ліпеня 1995 года — намеснік начальніка ўпраўлення электрасувязі Міністэрства сувязі і інфарматыкі Рэспублікі Беларусь.

Са жніўня 1995 года прызначаны першым намеснікам генеральнага дырэктара — дырэктарам па эксплуатацыі сетак РА «Белтэлекам».

Са студзеня 2000 года па люты 2001 — Міністр сувязі Рэспублікі Беларусь.

З сакавіка 2001 па жнівень 2005 года — генеральны дырэктар РА «Белтэлекам» (з ліпеня 2004 года РУП «Белтэлекам»).

З верасня 2005 года — генеральны дырэктар ААТ «Белсувязьбуд».

Спасылкі

• Старонка на сайце «Аб сувязі ў Беларусі» Архівавана 4 сакавіка 2016.
• Старонка на сайце Міністэрства сувязі і інфарматызацыі Архівавана 22 мая 2013.