Мікалай Міхайлавіч Алданаў

Мікалай Міхайлавіч Алданаў (нар. 12 мая 1959, в. Савеленкі Шклоўскага раёна Магілёўскай вобласці) — заслужаны дзеяч мастацтваў Рэспублікі Беларусь, член Савета Рэспублікі Нацыянальнага сходу Рэспублікі Беларусь 6-га склікання.

Мікалай Міхайлавіч Алданаў
Нараджэнне	12 мая 1959(1959-05-12) (64 гады) Савеленкі, Каменналаўскі сельсавет, Шклоўскі раён, Магілёўская вобласць, БССР, СССР
Адукацыя	Магілёўскі дзяржаўны музычны каледж імя М. А. Рымскага-Корсакава Беларуская дзяржаўная акадэмія музыкі
Дзейнасць	палітык
Месца працы	Брэсцкі дзяржаўны музычны каледж імя Рыгора Шырмы
Узнагароды

Біяграфія

Скончыў Магілёўскае музычнае вучылішча, Беларускую дзяржаўную кансерваторыю імя А. В. Луначарскага, магістратуру Беларускай дзяржаўнай акадэміі музыкі.

Працаваў выкладчыкам, намеснікам дырэктара па вучэбнай рабоце Брэсцкага музычнага вучылішча, выкладчыкам Брэсцкага музычнага каледжа, дацэнтам філіяла ўстановы адукацыі «Беларуская дзяржаўная акадэмія музыкі» г. Магілёва.

Дырэктар Магілёўскага філіяла ўстановы адукацыі «Беларуская дзяржаўная акадэмія музыкі», мастацкі кіраўнік аркестра народных інструментаў імя народнага артыста Беларусі Л. Л. Іванова ўстановы культуры «Магілёўская абласная філармонія».

Выбіраўся членам Савета Рэспублікі Нацыянальнага сходу Рэспублікі Беларусь 6-га склікання.

Узнагароды

Узнагароджаны медалём Францыска Скарыны.