Мікіта Андрэевіч Сцяпанаў
Мікіта Андрэевіч Сцяпанаў (13 кастрычніка 1913 года, в. Васільеўка — 22 верасня 1953 года) — памочнік камандзіра шабельнага ўзвода 58-га кавалерыйскага палка (16-я гвардзейская кавалерыйская дывізія, 7-й гвардзейскі кавалерыйскі корпус, 61-я армія, Цэнтральны фронт), гвардыі старшы сяржант, Герой Савецкага Саюза (1944).
| Мікіта Андрэевіч Сцяпанаў | |||
|---|---|---|---|
| Никита Андреевич Степанов | |||
| Дата нараджэння | 13 кастрычніка 1913 | ||
| Месца нараджэння |
|
||
| Дата смерці | 22 верасня 1953 (39 гадоў) | ||
| Месца смерці | |||
| Прыналежнасць |
 СССР |
||
| Род войскаў | пяхота | ||
| Гады службы | 1942—1945 | ||
| Званне |
 |
||
| Бітвы/войны | Вялікая Айчынная вайна | ||
| Узнагароды і званні |
|
||
26 верасня 1943 года Мікіта Сцяпанаў пры падрыхтоўцы да фарсіравання Дняпра каля вёскі Ніўкі Брагінскага раёна Гомельскай вобласці, пераправіўшыся на супрацьлеглы бераг, захапіў палоннага, які даў каштоўныя выведвальныя звесткі. У баі за вёску Галкі Брагінскага раёна Гомельскай вобласці М. А. Сцяпанаў разведаў сістэму агню ў абароне саперніка.
Біяграфія правіць
Нарадзіўся 13 кастрычніка 1913 года ў вёсцы Васільеўка (цяпер — Ермякееўскі раён Башкартастана) ў сялянскай сям’і[1]. Рускі. Атрымаў пачатковую адукацыю. Да прызыву ў армію працаваў у калгасе.
У Чырвоную Армію прызваны ў студзені 1942 года Ермякееўскім райваенкаматам. На фронце Вялікай Айчыннай вайны з сакавіка 1943 года.
Памочнік камандзіра шабельнага ўзвода 58-га кавалерыйскага палка (16-я гвардзейская кавалерыйская дывізія, 7-й гвардзейскі кавалерыйскі корпус, 61-я армія, Цэнтральны фронт) гвардыі старэйшы сяржант Н. А. Сцяпанаў асабліва вызначыўся пры выкананні складаных задач у выведцы пры падрыхтоўцы да фарсіраванні ракі Дняпро 26 верасня 1943 года ля вёскі Ніўкі Гомельскай вобласці.
Пасля вайны вярнуўся ў вёску Васільеўку, працаваў аб’ездчыкам ў Ермякееўскім лясніцтве.
Памёр 22 верасня 1953 года, пахаваны ў вёсцы Васільеўка.
Подзвіг правіць
«…Пры фарсіраванні ракі Дняпро… тав. Сцяпанаў пад покрывам ночы ўдваіх з таварышам пераправіўся на рыбацкай лодцы на правы бераг, дзейнічаючы асцярожна і смела, увайшоў у траншэю праціўніка, закалоў аднаго салдата нажом і аднаго захапіў у палон, і пераправіў яго на правы бераг Дняпра, даставіў у штаб палка.
У баі за населены пункт Галкі тав. Сцяпанаў атрымаў задачу ўдваіх з таварышам перабрацца ў тыл праціўніка і выявіць месцазнаходжанне яго агнявых кропак. Ноччу яны выйшлі на выкананне задачы. Зняўшы бясшумна двух чалавек, смелыя разведчыкі зайшлі ў тыл фашыстаў… Выявіўшы дакладна месцазнаходжанне агнявых кропак, разведчыкі раніцай вярнуліся ў полк, а праз паўгадзіны нашы артылерысты грамілі агнявыя кропкі праціўніка»[2].
Званне Героя Савецкага Саюза прысвоена 15 студзеня 1944 года[2][3].
Узнагароды правіць
- Медаль «Залатая Зорка» Героя Савецкага Саюза (15.01.1944)[2];
- ордэн Леніна (15.01.1944).
Памяць правіць
Імем Героя названа вуліца ў с. Ермякеева (Башкартастан); яго імя высечана на мармуровай пліце, усталяванай у адным з залаў Беларускага дзяржаўнага музея гісторыі Вялікай Айчыннай вайны.
Зноскі
- ↑ Мікіта Андрэевіч Сцяпанаў на сайце «Героі краіны»
- ↑ а б в Наградные документы у электронным банку дакументаў «Подзвіг Народа».
- ↑ Указ Президиума Верховного Совета СССР «О присвоении звания Героя Советского Союза генералам, офицерскому, сержантскому и рядовому составу Красной Армии» от 15 января 1944 года // Ведомости Верховного Совета Союза Советских Социалистических Республик : газета. — 1944. — 23 января (№ 4 (264)). — С. 1.
Літаратура правіць
- Несокрушимые. — Уфа, 1985. / с. 174—204
- Слаўныя сыны Башкірыі. — Уфа, 1979, кн. 4. / стр. 31-34.
- Башкирская энциклопедия. Гл. рэд. М. А. Ильгамов; т. 5. П-С. — Уфа: Башкирская энциклопедия, 2009. — 576 с. — ISBN 978-5-88185-072-2.
Спасылкі правіць
- Рэспубліканскі музей Баявой Славы: Сцяпанаў Мікіта Андрэевіч Архівавана 5 сакавіка 2016..