Мінеапаліс

Мінеапаліс
Герб	Сцяг[d]
Краіна	ЗША
Каардынаты	44°58′49″ пн. ш. 93°15′51″ з. д.HGЯO
Кіраўнік	Джэйкаб Фрэй[d]
Заснаваны	1850
Плошча	151,3 км²
Вышыня цэнтра	264 м
Водныя аб’екты	Місісіпі
Насельніцтва	▲429 954 чал. (1 красавіка 2020);
Шчыльнасць	2595 чал./км²
Часавы пояс	UTC-6, летам UTC-5
Тэлефонны код	612
Паштовыя індэксы	55401 – 55487
Афіцыйны сайт	ci.minneapolis.mn.us (англ.)
	Медыяфайлы на Вікісховішчы

Мінеапаліс (англ.: Minneapolis) — горад на поўначы ЗША, найбуйнейшы горад штата Мінесота і акругі Хенепін. Насельніцтва 372,8 тыс. чалавек (2006). Знаходзіцца на берагах ракі Місісіпі. Мінеапаліс прымыкае да Сент-Пола, сталіцы штата і другога горада па велічыні. Разам яны ўтвараюць сталічны раён «Гарады-двайняты» (Twin Cities, вымаўляецца «твін-сітыз»).

Геаграфія

Горад размешчаны на правым беразе ракі Місісіпі, насупраць сталіцы штата, Сент-Пола. У межах Мінеапаліса размешчана 24 возера, што і абумовіла афіцыйную мянушку «Горад азёр». Цэнтр горада знаходзіцца на вышыні 209 метраў над узроўнем мора.

Клімат

Клімат Мінеапаліса кантынентальны, характэрны для Сярэдняга Захаду. Зіма халодная і суровая, а лета гарачае і вільготнае. Сярэднегадавая тэмпература 7,4 °C. Максімальная тэмпература была зафіксаваная ў ліпені 1936: 42 °C. Мінімальная тэмпература назіралася ў студзені 1888 і была роўная −40,6 °C. Узімку 1983-84 быў зафіксаваны рэкорд па колькасці снегу (250 см).

У Мінеапалісе нярэдка назіраюцца такія прыродныя з’явы, як навальніца або туман.