Міхаіл Антонавіч Гаўсман

Міхал Антонавіч Гаўсман (1817 — 1889) — беларускі гісторык, краязнавец, археолаг.

Міхаіл Антонавіч Гаўсман
Дата нараджэння	1817
Месца нараджэння	Мінск, Мінскі павет, Мінская губерня, Расійская імперыя
Дата смерці	1889
Род дзейнасці	гісторык, краязнавец, археолаг
Альма-матар	Мазырская мужчынская гімназія

Біяграфія

Скончыў Мазырскую гімназію ў 1834. Працаваў сакратаром канцылярыі Мінскага дваранскага губернскага сходу. За ўдзел у рэвалюцыйнай арганізацыі ў 1863 высланы ў Валагодскую губерню. 3 2-й паловы 1870-х жыў у Мінску.

Навуковая дзейнасць

У газеце «Минские губернские ведомости» друкаваў краязнаўчыя артыкулы пра беларускія гарады. У 1857 сумесна з Уладзіславам Сыракомлем выдаў нарыс «Мінск».

Збіраў матэрыялы па археалогіі, прадметы побыту беларусаў, творы мастацтва. У адным са сваіх будынкаў у Мінску арганізаваў хатні музей. Дапамагаў яму ў зборах бацька Янкі Лучыны — Люцыян Неслухоўскі.

Літаратура

• Памяць: Гіст.-дакум. хроніка Мінска. У 4 кн. Кн. 1-я. — Мн.: БЕЛТА, 2001. — 576 с.: іл. — ISBN 985-6302-33-1.