Міцыпса (нумід.: mkwsn, лац.: Micipsa, грэч.: Μικίψας; ? — 118 да н.э.) — цар Нумідыі ў другой палове II стагоддзя да н.э., старэйшы з законанароджаных сыноў Масінісы.

Міцыпса
Міцыпса
цар Нумідыі
148 — 118 да н.э.
Суправіцелі Гулуса (148 — 145 да н.э.),
Мастанабал (148 — 145 да н.э.)
Папярэднік Масініса
Пераемнік Гіемпсал I
Адгербал
Югурта
 
Дзейнасць суверэн
Нараджэнне II стагоддзе да н.э.
Смерць 118 да н.э.[1]
Бацька Масініса[d]
Дзеці Гіемпсал I[d] і Адгербал[d]

БіяграфіяПравіць

Упершыню згадваецца ў 151 г. да н.э., калі ездзіў з братам у Карфаген дамаўляцца пра вяртанне ў горад пранумідыйскі настроеных грамадзян. Напад прыхільнікаў Гамількара на воінаў, якія суправаджалі Міцыпсу, прывёў да вайны з Нумідыяй, тая хутка перарасла ў Трэцюю пунічную вайну, якая скончылася разбурэннем Карфагена.

Масініса перад смерцю падзяліў царства паміж трыма сынамі. З іх Міцыпсу дасталася кіраванне казной і царскай сталіцай — Цыртай. Пасля смерці братоў Міцыпса аб'яднаў Нумідыю пад сваёй уладай. Ён прыняў пад сваё заступніцтва тысячы ўцекачоў з разбуранага рымлянамі Карфагена, імкнучыся ў той жа час падтрымліваць прыязныя адносіны з Рымам.

Міцыпса па прыкладзе свайго бацькі, падзяліў Нумідыю паміж сынамі Гіемпсалам і Адгербалам, а таксама пляменнікам Югуртам, якога ён усынавіў. Гэты падзел набыў моц пасля смерці Міцыпсы ў 118 г. да н.э.

Гл. таксамаПравіць

Зноскі