Наталля Барбу
Наталля Барбу (нар. 22 жніўня 1979, Бэлць, Малдаўская ССР) — малдаўская спявачка, пераможца нацыянальнага конкурсу «Moldstar», прызёр міжнародных фестываляў «Mamaia», «Славянскі базар», «Новая хваля» і «Maluri de Prut». Народная артыстка Малдовы (2010)[1], Майстар мастацтваў Малдовы (2001)[2]. Прадстаўніца Малдовы на конкурсе песні Еўрабачанне 2007 і конкурсе песні Еўрабачанне 2024.
| Наталля Барбу | |
|---|---|
| рум.: Natalia Barbu | |
 | |
| Асноўная інфармацыя | |
| Дата нараджэння | 22 жніўня 1979 (45 гадоў) |
| Месца нараджэння | Бэлць, Малдаўская ССР |
| Краіна | Малдова |
| Музычная дзейнасць | |
| Прафесіі | |
| Інструменты | скрыпка |
| Жанры | поп-рок, готык-рок, поп |
| Лэйблы | Sony BMG |
| Узнагароды |
 |
| NataliaBarbu.com | |
 Медыяфайлы на Вікісховішчы | |
Біяграфія
правіцьНарадзілася ў горадзе Бельцы на поўначы Малдовы. У 1986 годзе сям’я пераехала ў горад Рыбніцу. Наталля вучылася ў школе з малдаўскай мовай навучання, займалася ў музычнай школе па класе скрыпкі. З 12 гадоў гуляла на вяселлях.
Пасля сканчэння школы Наталля працягнула навучанне ў Кішынёўскім музычным вучылішчы імя Стэфана Нягі, дзе выступала ў складзе фальклорнага аркестра — спачатку як скрыпачка, а потым як вакалістка. У гэты ж час яна спрабавала свае сілы ў джазе і поп-музыцы.
У 1998 годзе Наталля скончыла музычнае вучылішча і стала выступаць у якасці скрыпачкі ў фальклорным ансамблі «Мугурэл». У гэтым жа годзе ў якасці спявачкі яна бярэ ўдзел у трох музычных фестывалях і ўсюды заваёўвае прызавыя месцы: першая прэмія Фестывалю эстраднай музыкі ім. Міхаэлы Рунчану (Festivalul de Muzică Uşoară «Mihaela Runceanu»), прыз Нацыянальнага конкурсу эстраднай музыкі «Малур дэ Пруць» (Concursului National de Muzică Uşoară «Maluri de Prut»), гран-пры Фестывалю эстраднай музыкі «Мамая» (Festivalul de Muzică Uşoară «Mamaia») у Румыніі.
У 1999 годзе Наталля брала ўдзел у Конкурсе маладых выканаўцаў эстраднай песні «Віцебск» у рамках Міжнароднага фэсту мастацтваў «Славянскі базар у Віцебску» (Беларусь), дзе была ўзнагароджана спецыяльным дыпломам Міжнароднай федэрацыі фэставых арганізацый (FIDOF). Уладальнікі такога дыплома маюць права ўдзелу ў фестывалях-членах FIDOF (прыкладам, у фестывалі ў Сан-Рэма) без праходжання адборачнага этапу.
У 2000 годзе Наталля ненадоўга стае ўдзельніцай кішынёўскага поп-рок-гурта «Міленіум», аднак неўзабаве вырашае вярнуцца да сольнай кар’еры. У гэтым жа годзе яна паступіла ў кішынёўскую Дзяржаўную кансерваторыю імя Гаўрыіла Музічэску, аднак скончыць яе ў Наталлі не атрымалася з-за частых гастроляў і выступаў на канцэртах і конкурсах.
У 2011 годзе выйшла замуж за румынскага мільянера — Адрыяна Сота. 25 снежня 2011 года нарадзіла сына, якога назвалі Віктарам.
Еўрабачанне
правіцьУ маі 2007 года Наталля Барбу з песняй «Fight» на англійскай мове прадстаўляла Малдову на конкурсе песні «Еўрабачанне-2007», які прайшоў у сталіцы Фінляндыі горадзе Хельсінкі (Малдова брала ўдзел у конкурсе «Еўрабачанне» ў трэці раз). Наталля Барбу заняла 10 месца з 109 ачкамі.
У 2024 годзе зноў выйграла адбор Малдовы і прадставіла краіну на Еўрабачанні-2024 у Мальмё з песняй «In the Middle», але не прайшла ў фінал, заняўшы 13 месца ў першым паўфінале.
Крыніцы
правіць- ↑ Указ Президента Республики Молдова от 21 декабря 2010 года № 676 «О награждении государственными наградами». lex.justice.md. Архівавана з першакрыніцы 29 жніўня 2021. Праверана 27 кастрычніка 2019.
- ↑ Указ Президента Республики Молдова от 1 марта 2001 года № 1907 «О присвоении почётного звания «Maestru in Arta». Архівавана з першакрыніцы 6 лютага 2021. Праверана 1 лютага 2021.
Спасылкі
правіць
На Вікісховішчы ёсць медыяфайлы па тэме Наталля Барбу- nataliabarbu.com (рум.) (англ.)
- Биография Натальи Барбу Архівавана 3 сакавіка 2007. (руск.) (англ.)
- Наталья Барбу на music.md Архівавана 28 кастрычніка 2007. (рум.)