Нацыянальны парк Глейшэр

Нацыянальны парк Глейшэр (англ.: Glacier National Park, МФА: [ˈɡleɪ.si.ɚ ˈnæʃ.nəl pɑːɹk]) размешчаны ў Скалістых гарах, на тэрыторыі амерыканскага штата Мантана, на мяжы з канадскімі правінцыямі Альберта і Брытанская Калумбія. Плошча парку складае 4101 км².

Нацыянальны парк Глейшэр
en/Glacier National Park
Saint Mary Lake and Wildgoose Island.jpg
Від на возера Святая Марыя
Катэгорыя МСАП — II (Нацыянальны парк)
Размяшчэнне ЗШАМантана
Плошча 4101 кв. км
Дата заснавання 11 мая 1910 года
Наведвальнасць 2 031 348 (2009)
Кіруючая арганізацыя Служба нацыянальных паркаў ЗША
Сайт http://www.nps.gov/glac/index.htm
physical
Нацыянальны парк Глейшэр
Нацыянальны парк Глейшэр

Першыя людзі пачалі жыць на тэрыторыі сучаснага парку каля 10 000 гадоў таму. На момант прыходу сюды еўрапейцаў, на землях на захад ад кантынентальнага водападзелу пераважалі салішы, а на ўсход - чарнаногія. Нацыянальны парк быў заснаваны 11 мая 1910 года. Амаль адразу пасля стварэння парку пачынае актыўна развівацца яго інфраструктура, якая ўключае гатэлі, шале, аўтамабільныя дарогі і інш. У парку Глейшэр больш 130 азёр, якія маюць назву; найбуйнейшым з іх з'яўляецца возера Мак-Дональд. Па дадзеных на 2010 год у парку Глейшэр 37 ледавікоў. Навукоўцы сцвярджаюць, што калі сённяшнія тэндэнцыі раставання захаваюцца, то ўсе гэтыя ледавікі цалкам знікнуць ужо да 2020 годзе. На поўначы Глейшэр мяжуе з канадскім нацыянальным паркам Уотэртан-Лейкс; разам гэтыя дзве прыродаахоўныя тэрыторыі вядомыя як парк свету Уотэртан-Глейшэр. У 1976 Глейшэр быў прызнаны біясферным запаведнікам, а ў 1995 годзе абодва паркі былі разам прызнаныя аб'ектам Сусветнай спадчыны.

На тэрыторыі нацыянальнага парку расце 1132 віды раслін. Таксама, тут жывуць 62 віды млекакормячых, 260 відаў птушак, 6 відаў земнаводных, 3 віды паўзуноў і 23 віды прэснаводных рыб. Шырока распаўсюджаны такія буйныя сысуны, як грызлі, барыбал, снежная каза, канадская рысь, лось, таўстарог, воўк, расамаха і інш. Падчас лясных пажараў ў 2003 годзе пацярпела больш за 10% ад агульнай плошчы парку.