Нацыянальны ўніверсітэт «Астрожская акадэмія»
Нацыянальны ўніверсітэт «Астрожская акадэмія» (укр.: Національний університет «Острозька академія») — украінская дзяржаўная вышэйшая навучальная ўстанова IV (вышэйшага) ступеня акрэдытацыі са статусам нацыянальнага ўніверсітэта, размешчаная ў горадзе Астрог. Гісторыя навучальнай установы вядзецца ад славяна-грэка-лацінскай школы, заснаванай князем Канстанцінам Васілём Астрожскім у 1576 г.
| Нацыянальны ўніверсітэт «Астрожская акадэмія» | |
|---|---|
| Національний університет «Острозька академія» | |
 Цэнтральны корпус акадэміі | |
| Арыгінальная назва | Національний університет «Острозька академія» |
| Міжнародная назва | The National University of Ostroh Academy |
| Заснаваны | 1994 |
| Тып | класічны ўніверсітэт |
| Рэктар | Пасічнік Ігар Дзямідавіч |
| Рэктар | Ihor Pasichnyk[d] |
| Краіна | |
| Размяшчэнне | |
| Юрыдычны адрас | вул. Семінарская 2, 35800 Астрог, Ровенская вобл., Украіна |
| Сайт | oa.edu.ua |
 Медыяфайлы на Вікісховішчы | |
Гісторыя
правіцьСучасны ўніверсітэт — пераемнік адной з першых вышэйшых навучальных устаноўна землях сучанай Украіны — Астрожскай славяна-грэка-лацінскай акадэміі. Заснаваў акадэмію ў 1576 г. князь Васіль-Канстанцін Астрожскі.
Хроніка адраджэння Астрожскай акадэміі ў незалежнай Украіне пачынаецца ў 1994 г. з указа прэзідэнта Украіны. Дзякуючы наступным указам прэзідэнта развіццё Астрожскай акадэміі набрала новых абаротаў. У кастрычніку 2000 г. Астрожская акадэмія атрымала статус нацыянальнага універсітэта, а 23 жніўня 2003 г. быў абнародаваны ўказ прэзідэнта, згодна з якім універсітэт пераходзіў пад патранат прэзідэнта Украіны. Згодна з пастановай Кабінета Міністраў Украіны ад 29 ліпеня 2009 г., універсітэту прадастаўлены статус самакіравальнай (аўтаномнай) даследчай нацыянальнай вышэйшай навучальнай установы.
Нацыянальны універсітэт «Астрожская акадэмія» з’яўляецца членам Еўрапейскай асацыяцыі універсітэтаў з 2010 г., членам кансорцыума ўкраінскіх універсітэтаў і Варшаўскага ўніверсітэта, а таксама членам ўсходнееўрапейскай сеткі універсітэтаў. У 2014 г. Астрожская акадэмія ўвайшла ў дзясятку рэйтынгу празрыстасці нацыянальных універсітэтаў (Цэнтр даследавання грамадства). Па выніках маніторынгу сайтаў вышэйшых навучальных устаноў Украіны, праведзенага ў 2014 г. экспертамі грамадзянскай сеткі Апора, афіцыйны сайт універсітэта трапіў на пяты радок гэтага рэйтынгу сярод афіцыйных інтэрнэт-старонак 274 вну. Астрожская акадэмія заняла трэці радок сярод класічных універсітэтаў і шосты ў цэлым у рэйтынгу вну Украіны па якасных паказчыках абітурыентаў.
Структура
правіцьУ Нацыянальным універсітэце «Астрожская акадэмія» дзейнічае пяць факультэтаў і вучэбна-навуковы інстытут права імя І. Маліноўскага, студэнты якіх навучаюцца на шаснаццаці спецыяльнасцях:
- гуманітарны факультэт (спецыяльнасці «Культуралогія», «Украінская філалогія», «Журналістыка», «Літаратурная творчасць», «Рэлігіязнаўства», «Багаслоўе»;
- факультэт рамана-германскіх моў («Філалогія. Германскія мовы і літаратура (англійская)»);
- эканамічны факультэт (спецыяльнасці «Эканоміка», «Улік і падаткаабкладанне», «Фінансы», «Банкаўская справа і страхаванне», «Камп’ютарныя навукі»);
- факультэт палітыка-інфармацыйнага менеджменту («Дакументазнаўства і інфармацыйная дзейнасць», «Паліталогія», «Псіхалогія»);
- факультэт міжнародных адносін («Гісторыя», «Краіназнаўства», «Міжнародныя адносіны»);
- вучэбна-навуковы інстытут права імя І. Маліноўскага («Правазнаўства»);
- вучэбна-навуковы цэнтр завочна-дыстанцыйнага навучання.
Спасылкі
правіць- Афіцыйная старонка (укр.) (англ.)