Нейрадэгенератыўныя захворванні

Нейрадэгенератыўныя захворванні — (грэч. Νέυρο-, нейра-, «нервы-» і лац. Dēgenerāre, «выраджацца») — група ў асноўным павольна прагрэсуючых, спадчынных або набытых захворванняў нервовай сістэмы.

Агульным для гэтых захворванняў з’яўляецца прагрэсуючая гібель нервовых клетак (нейрадэгенерацыя), якая вядзе да розных неўралагічных сімптомаў — перш за ўсё, да дэменцыі і парушэння рухаў.

Захворванні могуць наступіць у розным узросце, працякаюць дыфузна або генералізавана, гісталагічна вызначаецца спецыфічны тып змяненняў.