Нянавісць (фільм)

«Нянавісць» ― беларускі мастацкі фільм паводле цыкла раманаў Юліуша Кадэн-Бандроўскага «Чорныя крылы».

Нянавісць
Жанр	нямое кіно
Рэжысёр	Юрый Віктаравіч Тарыч
Сцэнарыст	Юрый Віктаравіч Тарыч
У галоўных ролях	Мікалай Празароўскі[d]
Кінакампанія	Беларусьфільм
Краіна	СССР
Мова	руская
Год	1930
IMDb	ID 0253306

Сюжэт

Канец 1920-х гадоў. Польскі сейм абмяркоўвае законапраект ваеннага міністэрства аб павелічэнні вытворчасці ўзбраенняў і здабычы нафты для патрэб арміі. Адбываюцца жорсткія сутыкненні паміж правымі сіламі і камуністычнай фракцыяй, якая выступае супраць вайны з СССР. Лідар сацыял-дэмакратаў Сташэўскі просіць перадаць праект, які цяжарам ляжа на бюджэт, для дапрацоўкі ў камісію. У гэты час на нафтапромысле ў Багуславе ўспыхвае забастоўка, выкліканая катаржнымі ўмовамі працы, жабрацкай зарплатай і антысавецкім курсам урада. Страйк выкарыстоўваюць у сваіх інтарэсах румынскія нафтавыя каралі — канкурэнты палякаў на сусветным рынку. Праз свайго агента Дзюваля яны падкупляюць Сташэўскага. Спрабуючы штучна зацягнуць страйк, той дасылае працоўным тэлеграму са словамі падтрымкі. Акцыі нафтапромыслаў падаюць, і Сташэўскі скупляе іх. Нафтапромыслы пераходзяць у вядзенне ваеннага міністэрства, і Сташэўскі дзейнічае ўжо ў яго інтарэсах. Ён прыязджае ў Багуслаў з рашэннем сейма аб неадкладным спыненні забастоўкі. Узамен працоўным абяцана мізэрнае падвышэнне заробку. Узброеныя забастоўшчыкі (сярод якіх і інжынер Тадэвуш, сын Сташэўскага, які даглядае дачку рабочага Вільчыка Стэфу) атачаюць найважнейшыя аб’екты промыслу калючым дротам і прапускаюць праз яе ток. Дырэктар Бямбніцкі выклікае войскі. Стэфу пасылаюць па дапамогу. Войскі выкарыстоўваюць газы. У вырашальны момант нападу Тадэвуш адключае ток, пазбаўляючы страйкоўцаў абароны. Ізноў галасуецца законапраект ваеннага міністэрства. На месцах сацыял-дэмакратычнай «апазіцыі» пуста. Прыходзіць паведамленне, што ў адказ на «аднаўленне парадку» ў Багуславе, дзе былі вялікія ахвяры, забаставалі працоўныя заводаў вайсковай амуніцыі і гарнякі-вугольнікі, арганізаваныя дэманстрацыі пратэсту. Натхнёныя дэпутаты-камуністы разгортваюць антыфашысцкі лозунг.

У ролях

Акцёр	Роля
Ада Войцік	Стэфа Стэфа
В. Яраслаўцаў	яе бацька
Л. Данілаў	яе брат
Уладзімір Шахоўскі	Ян Ян
О. Мерлаці	Сташэўскі Сташэўскі
А. Салтыкова	жонка дырэктара
Мікалай Празароўскі	Тадэвуш Тадэвуш
Бенедыкт Норд	Дзюваль Дзюваль
А. Дзедзінцаў	Бембніцкі Бембніцкі
Я. Кузняцова	жанчына з дзіцем
Мікалай Вітаўтаў	генерал

Рэліз

• Прэм’ера: 4 верасня 1930 года.
• Ішоў таксама пад назвай «Чорная кроў»

Тэхнічныя даныя

• Чорна-белы, нямы
• 8 частак.

Спасылкі

• Фільм на сайце Кино-театр.ру