Нівалду Радрыгіс Ферэйра

Нівалду Радрыгіс Ферэйра (парт.: Nivaldo Rodrigues Ferreira; нар. 22 чэрвеня 1988, Іаты, Бразілія), больш вядомы як проста Нівалду або Нівалда — бразільскі футбаліст, нападнік англійскага клуба «Сіці-оф-Ліверпул».

Нівалду
Агульная інфармацыя
Поўнае імя	Нівалду Радрыгіс Ферэйра
Нарадзіўся	22 чэрвеня 1988(1988-06-22) (35 гадоў) Іаты[d], штат Пернамбуку, Бразілія
Грамадзянства	Бразілія
Рост	185 см
Вага	82 кг
Пазіцыя	паўабаронца, нападнік
Інфармацыя пра клуб
Клуб	Сіці-оф-Ліверпул
Клубная кар’ера
2008—2010 Бараунас (Масаро) 2010 Алекрын (Натал) 5 (1) 2011—2012 Атырау 33 (1) 2013—2014 Сібір (Новасібірск) 22 (2) 2014—2016 Прамень-Энергія (Уладзівасток) 59 (8) 2016 Енісей (Краснаярск) 6 (0) 2017 Гомель 13 (5) 2017—2018 Дынама (Брэст) 21 (5) 2018 →  Лакаматыў (Ташкент) 7 (1) 2019 Гомель 27 (3) 2020 Гуджа Юнайтэд 6 (1) 2020 Белшына (Бабруйск) 16 (1) 2020 Іслач (Мінскі раён) 3 (0) 2021 Джуніярс (Шпыцькы) 5 (8) 2021—2022 Чайка (Пэтрапаўліўска Баршчагіўка) 14 (0) 2022—2023 Рэдкліф 9 (1) 2022—2023 →  Бутл 2023— Сіці-оф-Ліверпул
Медыяфайлы на Вікісховішчы

Клубная кар’ера

Пачынаў займацца футболам у Сан-Паўлу, пазней выступаў за бразільскія клубы «Бараунас» і «Алекрын». У 2011 годзе стаў перайшоў у казахстанскі клуб «Атырау», дзе стаў адным з вядучых ігракоў, аднак у сезоне 2012 амаль не гуляў праз праблемы са здароўем. У жніўні 2012 года быў на праглядзе ва «Уфе», а ў ліпені 2013 года далучыўся да «Сібіры». З чэрвеня 2014 года на працягу двух сезонаў выступаў за «Прамень-Энергію», дзе быў трывалым іграком асновы. У жніўні 2016 года перайшоў у краснаярскі «Енісей», аднак не змог замацавацца ў складзе, і ў студзені 2017 года пакінуў каманду ў якасці свабоднага агента.

У лютым 2017 года далучыўся да беларускага клуба «Гомель», з якім неўзабаве падпісаў кантракт. У складзе «Гомеля» замацаваўся ў аснове, па выніках першай паловы чэмпіянату Беларусі 2017 з пяццю галамі быў найлепшым бамбардзірам каманды. У чэрвені 2017 года стала вядома аб цікавасці да Нівалду з боку брэсцкага «Дынама», якое неўзабаве аформіла пераход іграка. У склдазе дынамаўцаў таксама стаў трывалым іграком асновы.

У лютым 2018 года быў аддадзены ў арэнду ташкенцкаму «Лакаматыву» на 5 месяцаў. У складзе ўзбекскага клуба чаргаваў выхады ў стартавым складзе і на замену; выступаў у азіяцкай Лізе чэмпіёнаў. У чэрвені 2018 года па заканчэнні арэнды вярнуўся ў Брэст. З ліпеня зноў стаў выступаць у складзе брэсцкай каманды, але на полі з’яўляўся нерэгулярна. У снежні 2018 года разарваў кантракт з дынамаўцамі.

У лютым 2019 года зноў стаў іграком «Гомеля». У сезоне 2019 трывала гуляў у стартавым складзе каманды, але не здолеў выратаваць яе ад вылету ў Першую лігу.

У студзені 2020 года падпісаў кантракт з мальтыйскім клубам «Гуджа Юнайтэд», аднак ужо ў сакавіку пакінуў яго, згуляўшы ў шасці матчах. Неўзабаве з’явілася інфармацыя аб магчымым пераходзе нападніка ў бабруйскую «Белшыну», афіцыйна аб трансферы было абвешчана ў красавіку. У складзе «Белшыны» пераважна выхадзіў на замену. У верасні 2020 года па пагадненні бакоў пакінуў бабруйскі клуб і неўзабаве далучыўся да «Іслачы». Пакінуў «Іслач» у снежні 2020 года.

У 2021 годзе стаў выступаць у чэмпіянаце Кіеўскай вобласці за «Джуніярс» (Шпыцькы), а неўзабаве далучыўся да «Чайкі» з Другой лігі Украіны. У жніўні 2022 года стаў іграком «Рэдкліфа» з сёмага англійскага дывізіёна, а ў кастрычінку на правах арэнда далучыўся да «Бутла». У жніўні 2023 года перайшоў у «Сіці-оф-Ліверпул».