Ніна Васілеўна Каменская

Ніна Васілеўна Каменская (23 снежня 1913, Асіповічы — 22 сакавіка 1986, Мінск) — беларускі гісторык. Член-карэспандэнт АН БССР (1959). Доктар гістарычных навук (1959), прафесар (1961).

Ніна Васілеўна Каменская
Дата нараджэння	28 снежня 1913(1913-12-28)
Месца нараджэння	Асіповічы, Бабруйскі павет, Мінская губерня, Расійская імперыя
Дата смерці	22 сакавіка 1986(1986-03-22) (72 гады)
Месца смерці	Мінск, БССР, СССР
Грамадзянства	Расійская імперыя  СССР
Муж	Уладзімір Георгіевіч Каменскі
Род дзейнасці	гісторык, выкладчыца ўніверсітэта
Навуковая сфера	гісторыя, палітычная гісторыя[d] і history of education[d]
Месца працы	Нацыянальная акадэмія навук Беларусі БДПУ Інстытут гісторыі НАНБ
Навуковая ступень	доктар гістарычных навук
Альма-матар	МДУ імя А. А. Куляшова
Узнагароды

Біяграфія

У 1937 г. скончыла Магілёўскі педагагічны інстытут. Працавала выкладчыцай у школах Магілёва і Бабруйска. З 1944 г. у Інстытуце гісторыі Акадэміі навук Беларусі. З 1962 г. — дырэктар Інстытута гісторыі партыі пры ЦК КПБ, у 1965—1969 гг. — дырэктар Інстытута гісторыі АН Беларусі. З 1969 г. — прарэктар, загадчык кафедры гісторыі БССР Мінскага педагагічнага інстытута.

Навуковая дзейнасць

Аўтар навуковых прац па гісторыі Кастрычніцкай рэвалюцыі і грамадзянскай вайны ў Беларусі, стварэння Беларускай ССР, кампартыі і камсамола Беларусі. Сааўтар і рэдактар «Гісторыі Мінска» (2-е выд., 1967), «Нарысаў гісторыі Камуністычнай партыі Беларусі» (ч. 1, 2-е выд. 1968), «Гісторыі Беларускай ССР» у 5-ці тамах (1972—1975), «Гісторыі Беларускай ССР» (1977).

Літаратура

• Белазаровіч В. А. Гістарыяграфія гісторыі Беларусі: вучэб. дапаможнік; Установа Адукацыі «Гродзенскі Дзярж. Ун-т імя Я. Купалы». — Гродна : ГрДУ, 2006. — 345 с. — ISBN 985-417-858-7.

Спасылкі

• Ніна Васілеўна Каменская ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі