Ордэн «Пагоня — Жыве Беларусь!»

Ордэн «Пагоня — Жыве Беларусь!» — узнагарода зацверджаная Прэзідэнтам БЦР Радаславам Астроўскім.

Ордэн «Пагоня — Жыве Беларусь!»
Краіна	Беларуская Народная Рэспубліка
Тып	ордэн
Каму ўручаецца	беларусам-прыхільнікам БЦР
Падставы ўзнагароджання	Самаахвярная нацыянальна-грамадская праца
Дата заснавання	10 кастрычніка 1976 года
Статус	не ўручаецца

Гісторыя

10 кастрычніка (паводле Мазырэца 10-14 кастрычніка) 1976 года Радаслаў Астроўскі (за тыдзень да сваёй смерці) зацвердзіў тры ўзнагароды БКА. Першай з іх, паводле парадку пераліку, быў Ордэн «Пагоня — Жыве Беларусь!».

Усе тыя ўзнагароды выкарыстоўваліся для ганаравання беларусаў з шэрагу прыхільнікаў Беларускай Цэнтральнай Рады на эміграцыі. Разам з тымі медалямі выдаваліся дыпломы. Ордэн «Пагоня — Жыве Беларусь!» прызначаўся для ганаравання за самаахвярную нацыянальна-грамадскую працу

Апісанне

Ордэн «Пагоня — Жыве Беларусь!» меў бел-чырвона-белую стужку, выяву Пагоні ў цэнтры і словы «Жыве Беларусь!» па коле зверху, а ўнізе дзве скрыжаваныя лаўровыя галінкі. На адваротным боку знаходзіўся надпіс: «БЦР 27.6.1944» (у гэты дзень адбыўся Другі ўсебеларускі з’езд). Ордэн вырабляўся з серабра.

Цікавінкі

• Паасобнік Ордэна «Пагоні — Жыве Беларусь!» захоўваецца ў Беларускім інстытуце навукі і мастацтва.

Спасылкі

• Значкі, жэтоны, мэдалі
• Мазырэц Ц. Узнагароды Беларусі